ឆ្នាំជូត ៖ រាសីឡើងខ្ពស់ ។ ការងារសព្វសារពើប្រព្រឹត្តទៅយ៉ាងរលូន ត្រូវបានមេកើយស្ងើចសរសើរទទួលស្គាល់ស្នាដៃ ហេតុនេះក៏នឹងបានឡើងតំណែង ឬទទួលបានរង្វាន់ ។ យ៉ាងនេះក្តីក៏ត្រូវយកចិត្តទុកដាក់នឹងគ្រួសារ ហើយមិនត្រូវចាយវាយខ្ជះខ្ជាយឡើយ ។
ឆ្នាំឆ្លូវ ៖ រាសីឡើងខ្ពស់ ។ ការងារស្ថិរភាពធម្មតា តែគប្បីស្តាប់យោបល់របស់អ្នកនៅជុំវិញខ្លួន ។ ជាឱកាសដែលអាចរកបានចំណូលបន្ថែម ចំណែកបញ្ហាមនោសញ្ចេតនាវិញគាប់ប្រសើរល្អណាស់ ។
ឆ្នាំខាល ៖ រាសីល្អ ។ តែពុំគប្បីធ្វើការងារហួសកម្លាំងឡើយ ថ្ងៃនេះអ្នកមានលាភអាចទទួលបានចំណូលបន្ថែម ។ មនោសញ្ចេតនា ប្រព្រឹត្តទៅធម្មតា ។
ឆ្នាំថោះ ៖ រាសីធ្លាក់ចុះ ។ ការងារមមាញឹកពុំសម្រេចបាន ហេតុនេះមិនត្រូវខ្លាចចិត្តនឹងពឹងពាក់ដល់អ្នករួមការងារឲ្យជួយ ។ ថ្ងៃនេះអ្នកពុំគប្បីដាក់ទុនរកស៊ីឡើយ ។ គប្បីម្ចាស់ដោះស្រាយភាពល្អក់កករក្នុងគ្រួសារ ។
ឆ្នាំរោង ៖ រាសីធ្លាក់ចុះ ។ អាស្រ័យដោយស្មារតីរបស់អ្នកមិននឹងនរធ្វើឲ្យឥទ្ធិពលអាក្រក់ដល់ការងារ ហេតុនេះគប្បីប្រមូលផ្តុំអារម្មណ៍ធ្វើការដើម្បីចៀសផុតពីកំហុសឆ្គង ។ ថ្ងៃនេះអ្នកអាចដាក់ទុនរកស៊ីជាមួយគេបាន ហើយត្រូវចេះឆក់ឱកាស ដើម្បីកសាងទំនាក់ទំនងចំពោះមុខ ។
ឆ្នាំម្សាញ់ ៖ រាសីឡើងខ្ពស់ ។ ការងារមានភាពរីកចម្រើនល្អ មានអ្នកជួយយកអាសាធ្វើឲ្យទទួលបានការស្ងើចសរសើរពីមេកើយ ។ គប្បីមានផែនការគ្រប់គ្រងហិរញ្ញវត្ថុឲ្យបានសមស្រប ។ ត្រូវប្រុងប្រយ័ត្ននឹងជនមនុស្សដែលប៉ងបំបែកបាក់មនោសញ្ចេតនារបស់អ្នក ។
ឆ្នាំមមី ៖ រាសីល្អមធ្យម អ្នកអាចជួបនឹងឱកាសធ្វើជំនួញកសាងទំនាក់ទំនងរកស៊ីថ្មី ប៉ុន្តែពុំគប្បីដាក់ទុនវិនិយោគចំនួនទឹកប្រាក់ច្រើនឡើយ ។ មនោសញ្ចេតនា ប្រយ័ត្នជនអាក្រក់បង្ករឿងក្នុងគ្រួសារ ។
ឆ្នាំមមែ ៖ រាសីឡើងខ្ពស់ ។ ការងារសព្វសារពើមានគេជួយយកអាសា ការងារកកស្ទះទាំងឡាយត្រូវបានដោះស្រាយ ។ ការដាក់ទុនរកស៊ីមានភាពងាយស្រួល ព្រោះមានអ្នកឧបត្ថម្ភបន្ថែមលុយកាក់ ។ អ្នកគប្បីជំរុញទំនាក់ទំនងដែលមានស្រាប់ និងកសាងទំនាក់ទំនងថ្មី ។
ឆ្នាំវក ៖ រាសីមធ្យម ។ គប្បីកសាងទំនាក់ទំនងល្អនឹងអ្នករួមអាជីព ។ ត្រូវចៀសវាងការលោភលន់ហួសហេតុ ពិសេសមិនត្រូវទុកឲ្យបញ្ហាលុយកាក់ធ្វើឲ្យបែបបាក់មនោសញ្ចេតនា ធ្លាប់មានឡើយ ។
ឆ្នាំរកា ៖ រាសីធ្លាក់ចុះ ។ មានបញ្ហាជាច្រើនកើតឡើងត្រូវដោះស្រាយភ្លាម គប្បីស្វែងរកជំនួយដើម្បីដោះស្រាយភាពរកាំរកូសអំពីហិរញ្ញវត្ថុ ។ ត្រូវប្រយ័ត្នកុំឲ្យទម្លាប់អាក្រក់របស់ខ្លួនឥទ្ធិពលលើទំនាក់ទំនងកំពុងមានស្រាប់ ។
ឆ្នាំចរ ៖ រាសីល្អមធ្យម ។ កុំយករឿងបុគ្គលធ្វើឲ្យការងារមានបញ្ហា ។ ជាថ្ងៃល្អសម្រាប់អ្នករកបានចំណូលបន្ថែម តែក៏ត្រូវយកចិត្តទុកដាក់ដល់សុខភាពផ្ទាល់ខ្លួន កុំឲ្យរកលុយបាន តែបែរជាមានជំងឺ ត្រូវប្រយ័ត្នមានមនុស្សអាក្រក់ប្រុងជ្រៀតជ្រែកបំបែកទំនាក់ទំនងរបស់អ្នក ។
ឆ្នាំកុរ ៖ រាសីល្អ ។ ប្រយ័ត្នកុំឲ្យមានរឿងចៃដន្យ ធ្វើឲ្យខូចខាតដល់គ្រោងការណ៍របស់អ្នក ។ លុយកាក់ ល្អប្រសើរ មានចំណូលបន្ថែម ។ មនោសញ្ចេតនា ប្រយ័ត្នពាក្យសម្តីកុំឲ្យមានជម្លោះក្នុងគ្រួសារ ៕