ក្នុងរយៈពេល៣ថ្ងៃកន្លងមក នៅជិតមូលដ្ឋានHmeymim នៅស៊ីរី ក្រសូងការពារជាតិរុស្ស៊ីបានដាក់តាំងយន្ដហោះគ្មានអ្នកបើកបរជាច្រើនគ្រឿង ដែលពួកភេរវកប្រើប្រាស់សម្រាប់វាយលុក។
មន្ដ្រីក្រសួងការពារជាតិរុស្ស៊ី Igor Konashenkov ឱ្យដឹងថា ច្រើនខែកន្លងមកពូកភេរវករបានប្រើប្រាស់UAV ដើម្បីធ្វើការវាយលុកជាបន្ដបន្ទាប់។មកទល់ពេលនេះមានUAV៤៥គ្រឿងហើយត្រូវបានប្រព័ន្ធការពារដែនអាកាសរបស់មូលដ្ឋាននេះបាញ់ទម្លាក់។ដោយឡែកក្នុងរយៈពេល៣ថ្ងៃកន្លងមកគេបានបាញ់ទម្លាក់UAVចំនួន៥គ្រឿង។UAV ទាំងអស់នេះសុទ្ធសឹងត្រូវបានបំពាក់ប្រព័ន្ធត្រួតពិនិត្យ រុករកនិងទម្លាក់គ្រាប់បែកយ៉ាងទំនើប។
មន្ដ្រីដដែលឱ្យដឹងបន្ថែមថា«នេះគឺជាសញ្ញាបង្ហាញឱ្យឃើញថាមានប្រទេសណាមួយនោះបានចែករំលែកគន្លឹះបច្ចេកវិជ្ជាUAV ឱ្យទៅក្រុមភេរវករអន្ដរជាតិ ព្រោះក្រោយការត្រួតពិនិត្យអ្នកជំនាញការរុស្ស៊ីបានរកឃើញថាបរិក្ខារទាំងនេះត្រូវបានដំឡើងដោយមានការចង្អុលបង្ហាញយ៉ាងច្បាស់លាស់ពីសំណាក់អ្នកឯកទេស។
លោកKonashenkov បង្ហើបប្រាប់ថា UAVដែលត្រូវបានបាញ់ទម្លាក់មានប្រវែងទទឹងពីចុងស្លាបម្ខាងទៅម្ខាងទៀតគឺ៣,៥ម៉ែត្រ អាចហោះហើរបានចម្ងាយជាង១០០គីឡូម៉ែត្រនិងស្ថិតនៅរយៈកម្ពស់៣.៥គីឡូម៉ែត្រ ព្រមទាំងអាចនាំយកមកតាមនូវគ្រាប់បែកចំនួន១០គ្រាប់៕
សូយន