តៃវ៉ាន់ត្រូវបានគេដឹងថា កំពុងដាក់ពង្រាយប្រភេទកាំជ្រួចមានកម្មវិធីនាំផ្លូវទំនើបនិងមានសមត្ថភាពវាយលុកហុងកុងនិងទីក្រុងមួយចំនួនរបស់ចិនដីគោក។
តាមគេហទំព័រKanwa Defense Review រូបភាពមួយចំនូនដែលថតបានពីផ្កាយរណបកាលពីខែមិថុនាបានបង្ហាញឱ្យឃើញកាំជ្រួច Hsiung Feng IIE ត្រូវបានគេបញ្ជូនទៅមូលដ្ឋានទីក្រុងTáoyuán Shì ។
និពន្ធនាយកគេហទំព័រខាងលើ លោកAndrei Chang វាយតម្លៃថា ការដាក់ពង្រាយបានចាប់ផ្ដើមពីខែមីនា មានន័យថាកងកម្លាំងការពាររបស់តៃវ៉ាន់មានសមត្ថភាពដំណើរការការវាយលុកយុទ្ធសាស្ដ្រចិនដីគោកក្នុងរយៈចម្ងាយ1.000-1.500 km មានសមត្ថភាពវាយលុកចំគោលដៅនៃទីក្រុងសំខាន់ៗរបស់ចិន ដូចជាហុងកុង សៀងហៃ ក្វាងតុង ហ្សីជាង ប្រសិនបើមានការប៉ះទង្គិចរវាងកងទ័ពទាំងសងខាង។
និពន្ធនាយករូបនេះនូវបានវិភាគថា៖ បើផ្អែកតាមរយៈចម្ងាយប្រតិបត្តិការរបស់កាំជ្រួចនេះ គឺបណ្ដារ៉េអាក់ទ័រនុយក្លេអ៊ែរ មូលដ្ឋានស្ដុកប្រេងឥន្ធនៈយុទ្ធសាស្ដ្រ ជិតទីក្រុង Chu Sơn ទីក្រុងចូសឺន (ខេត្តហ្សៃយ៉ាង) និងផ្លូវដែកប៉េកាំងគុយឡុង (ហុងកុង) រួមជាមួយផ្លូវដែកហាយវ៉េដទៃទៀត ក៏ដូចជាផ្លូវក្រោមដី សុទ្ធសឹងជាគោលដៅនៃការវាយប្រហារ។
ស្ថាប័នការពារដែនដីតៃវ៉ាន់បដិសេធមិនឆ្លើយតបចំពោះការដាក់ពង្រាយកាំជ្រួចHsiung Feng IIE នេះ ហើយថាវាគ្រាន់តែជា ព័ត៌មានចចាមអារ៉ាមប៉ុណ្ណោះ ព្រោះតៃវ៉ាន់មានជំនឿទុកចិត្ត ហើយបានត្រៀមបម្រុងបានយ៉ាងល្អដើម្បីការពារដែនដីរបស់ខ្លួន៕
សូយន
