ខេត្តព្រះសីហនុ ៖ នគរបាលជំនាញអន្តោប្រវេសន៍ ខេត្តព្រះសីហនុ បានឃាត់ខ្លួនបុរសជនជាតិអូស្ត្រាលីមួយរូប ពីបទស្នាក់នៅខុសច្បាប់ ដើម្បីបញ្ជូនទៅអគ្គនាយកដ្ឋានអន្តោប្រវេសន៍ បន្តអនុវត្តនិតិវិធីតាមច្បាប់។ ការឃាត់ខ្លួននេះ ធ្វើឡើងកាលពី រសៀលថ្ងៃទី១៧ ខែសីហា ឆ្នាំ២០១៨ នៅក្រុមទី៧ ភូមិ២ សង្កាត់២ ក្រុង-ខេត្តព្រះសីហនុ។
សមត្ថកិច្ចនគរបាលអន្តោប្រវេសន៍ ខេត្តព្រះសីហនុ បានឲ្យដឹងថា ជនបរទេសខាងលើមាន ឈ្មោះ Richard Lee NeuBaer ភេទប្រុស សញ្ជាតិ អូស្ត្រាលី អាយុ ៤៦ឆ្នាំ ស្នាក់នៅខុសច្បាប់ គ្មានលិខិតឆ្លងដែនជាប់ខ្លួន និង មិនមានកន្លែងស្នាក់នៅពិតប្រាកដ ដេកតាមដងឆ្នេរ- ផ្លូវសាធារណ:៕ ដោយ ៖ ដែន សីមា