អាស្រ័យដោយផលទទួលបានពីសេវានេះធ្វើឱ្យមនុស្សភាគច្រើនមានជំនឿ និងជ្រើសរើសយកសេវានេះ។អតិថិជនភាគច្រើនគឺជានារី ព្រោះថាគេតែងមានជំនឿសង្ស័យចំពោះភាពស្មោះត្រង់ មិនថាឡើយសង្សារ សូម្បីតែស្វាមីក៏អ៊ីចឹងដែរ។
សេវាទាក់ទងនឹងរឿងស្នេហានៅចិនពិតជាសម្បូរបែបណាស់ មានទាំងជួលបុរស ឬនារីឱ្យធ្វើជាគូស្នហ៍របស់ខ្លួនដើម្បី បំភាន់ភ្នែកឪពុកម្ដាយ។ឥឡូវនេះគេបានបន្ថែមសេវាថ្មី គឺការផ្ដល់នូវប្រុសស្អាត ស្រីស្រស់ដើម្បីសាកល្បងភាពស្មោះស្ម័គ្រ របស់មនុស្សដែលខ្លួនស្រឡាញ់។
តាម Global Timeរបស់ចិន ប្រសិនបើអ្នកស្វែងរកតាមឧបករណ៍Taobao ដើម្បីស្វែងរកសេវានេះ អ្នកនឹងទទួលបានចម្លើយ រាប់ពាន់ ហើយតម្លៃអាស្រ័យលើតម្រូវការអ្នកជួល ហើយមានតម្លៃចន្លោះ២០យាន់ទៅ១៣០០យាន់(ប្រមាណជាង២ដុល្លារ-ជាង២០០ដុល្លារ)។
ក្រោយពីយល់ព្រមទទួលការផ្ដល់សេវា អ្នកទិញមានកាតព្វកិច្ចផ្ដល់ឈ្មោះ លេខទូរស័ព្ទ គណនីលើបណ្ដាញសង្គម និងទម្លាប់ពិសេសៗរបស់មុខសញ្ញា។
បន្ទាប់មក បុរសឬនារីម្នាក់នឹងចាប់ផ្ដើមបក់ដៃទៅរកមុខសញ្ញាតាមបណ្ដាញសង្គម ដោយប្រើគ្រប់ល្បិចតាមញ៉ែអូសទាញមុខសញ្ញា
នារីម្នាក់ឈ្មោះ Chin ជានិស្សិតអាយុ២១ឆ្នាំ ធ្លាប់បានប្រើសេវាសាកល្បងចិត្ដគូស្នេហ៍ ហើយទទួលបានលទ្ធផលល្អ ក៏មានចិត្តចង់ក្លាយជាសមាជិកក្នុងក្រុមប្រកបរបរនេះ។ បន្ទាប់ពីប្រកបរបរនេះមួយរយៈមក នាងចែករំលែកថា៖ ខ្ញុំតែងប្រើពាក្យពេចន៍ផ្អែមល្ហែមនិងសម្រស់របស់ខ្លួនដើម្បីទាក់ទាញមុខសញ្ញដែលជាភាគីស្នេហ៍របស់អតិថិជន។ ពេលដែលត្រីជាប់សន្ទូច ពោលគឺបុរសនោះមានទង្វើតាមលោមស្នេហ៍ត្រឡប់មកវិញ ឬក៏អះអាងថាខ្លួនពុំធ្លាប់មានសង្សារនោះ ខ្ញុំនឹងថតយកអេក្រង់ដែលមានពាក្យពេចន៍ទាំងនោះផ្ញើទៅអតិថិជនវិញ។ភរកិច្ចរបស់ខ្ញុំចប់ត្រឹមណេះ រឿងបន្ដទៀតយ៉ាងណានោះគឺអាស្រ័យលើពួកគេ។
ពិតណាស់ មានករណីមួយចំនួនដែលមុខសញ្ញាពុំរវល់អើពើ ព្រោះគេស្មោះស្នេហ៍ ខ្លះធ្វើការបដិសេធត្រង់ៗ ហើយខ្លះទៀតមិនរវល់ឆ្លើយតបតែម្ដង។
ប្រៀបទៅនឹងបុរស សេវាកម្មនេះមានអតិថិជនច្រើនលើសលុបជានារី ហើយទោះបីចៀសមិនផុតពីការរិះគន់ ជេរប្រមាថក្ដី ប៉ុន្ដែអ្នកដែលស្វែងរកនិងបម្រើការក្នុងសេវាសាកចិត្តគូស្នេហ៍នេះលើកឡើងថា ពួកគេកំពុងធ្វើរឿងមួយសក្ដិសមបំផុត ព្រោះវាបានជួយដល់នារីល្ងង់ខ្លៅចៀសផុតពីការចាញ់បោកសម្ដីផ្អែមល្ហែមរបស់ប្រុសព្រាន និងរកឃើញនូវស្នេហាមួយដែលស្មោះស្ម័គ្រពិតប្រាកដ៕
សូយន