តាមប្រភពព័ត៌មាននោះ Hailey Baldwin ចង់រៀបការដោយសម្ងាត់ឲ្យបានឆាប់បំផុតជាមួយ Justin Bieber ព្រោះតែ Selena Gomez បង្អួតរូបភាពអាចនាំឲ្យ Justin… រញ្ជួយបេះដូងសារជាថ្មី! ។
ប្រភពពី Hollywood life ឲ្យដឹងថា ពេលនេះនាង Hailey Baldwin កំពុងស្លន់ស្លោរចង់រៀបការភ្លាម ព្រោះពុំចង់ឲ្យមានហានិភ័យអ្វីមួយមក “បំផ្លាញ” ទិវាដ៏សំខាន់ប្រចាំជីវិតនេះ ។ ពិសេសគឺក្រោយពេលដែលអតីតមិត្តស្រីរបស់ Justin Bieber ទើបតែចែករំលែកនូវរូបភាពក្តៅសាច់ច្រើនសន្លឹកលើ Instagram អាចធ្វើឲ្យ Justin មានការ “ស្តាយស្រណោះ” ។
Hollywood life ទម្លាយខ្លះៗថា ៖ Hailey មិនចង់ឲ្យ Justin មានសម្ពាធ តែក៏ចង់ឲ្យមង្គលការពួកគេទាំង២ ប្រព្រឹត្តទៅឲ្យបានឆាប់តាមតែអាចធ្វើទៅបាន ។
ព្រោះមានតែធ្វើបែបនេះ ទើបអាចរុញច្រានស្រមោលអតីតសង្សាររបស់ Justin នាង Selena Gomez ចេញផុតពីជីវិតពួកគេ ជារៀងរហូតបាន ។
Hollywood life ដដែល លើកឡើងថា Justin ប្រហែលពុំបានដឹងពី “កង្វល់ដ៏ធំធេង”របស់គូដណ្តឹងខ្លួនទេ ព្រោះនាង Hailey ដោះស្រាយស្ថានការណ៍បានយ៉ាងល្អិតល្អន់ ។
ប្រភពដដែលឲ្យដឹងថា Selena នៅបន្តឃ្លាំមើល និងរង់ចាំឲ្យ “ស្នេហ៍ថ្មី” របស់គូស្នេហ៍ចាស់ខ្លួនរងបរាជ័យសារជាថ្មី ។ ប្រហែលជានាងនៅ “ស្តាយស្រណោះ” ហើយបានជាគេលបឃើញនាងនៅចាប់អារម្មណ៍សំឡឹងមើលរូបភាពចាស់ៗរបស់… Justin ៕ លីសា