ខេត្តព្រះសីហនុ ៖ លោកឧត្តមសេនីយ៍ត្រី ហេង ប៊ុនទី មេបញ្ជការកងរាជ អាវុធហត្ថខេត្តព្រះសីហនុ បានអោយដឹងថា នៅម៉ោងជិត១រំលងអាធ្រាត្រ ឆ្លងចូលថ្ងៃទី ថ្ងៃទី១៨ ខែសីហា ឆ្នាំ២០១៨ កម្លាំងមន្ទីរយុត្តិធម៌អាវុធហត្ថខេត្ត សហការជាមួយកម្លាំងអាវុធហត្ថក្រុង ដឹកនាំដោយ លោកវរសេនីយ៍ទោ ឆេង វុទ្ធី ប្រធានមន្ទីរយុត្តិធម៌អាវុធហត្ថខេត្ត និងលោកវរសេនីយ៍ទោ ហ៊ត សីហា មេបញ្ជាការអាវុធហត្ថក្រុងព្រះសីហនុ ក្រោមការសម្របសម្រួលពី លោកព្រះរាជអាជ្ញារង រស់ សារាំ បានចុះបង្ក្រាបករណីសច្ចារកម្មមួយកន្លែងឈ្មោះ ម៉ាស្សាចិន មានទីតាំងស្ថិតនៅភូមិ៣ សង្កាត់លេខ៤ ក្រុង ព្រះសីហនុ ឃាត់ខ្លួនជនសង្សយ័ចំនួន២១នាក់ ស្រី០៩នាក់ ក្នុងនោះមាន៖ ជនជាតិចិនចំនួន ១៦នាក់ ស្រី០៨នាក់ និងជនជាតិខ្មែរ ចំនួន០៥នាក់ ស្រីម្នាក់។
វត្ថុតាងរួមមាន៖ ស្រោមអនាមយ័ប្រើប្រាស់រួចចំនួន២។ ស្រោមអនាមយ័មិនទាន់ប្រើប្រាស់មួយចំនួនធំ និងរថយន្តម៉ាកហាយលិនឌរ័មួយគ្រឿង។
បច្ចុប្បន្នជនសង្ស័យ ព្រមទាំងវត្ថុតាងត្រូវកម្លាំងការិយាបទល្មើសជួញដូរមនុស្ស កងរាជអាវុធហត្ថខេត្ត ព្រះសីហនុ កំពុងសាកសួរ នៅបញ្ជាការដ្ឋានអាវុធហត្ថខេត្ត ដើម្បីឈានទៅបន្តនីតិវិធីតាមផ្លូវច្បាប់៕ ដែន សីមា