៨៣ ឆ្នាំ ក្រោយពីបញ្ចប់ការសិក្សាមហាវិទ្យាល័យ លោកតា Bill Vogt បច្ចុប្បន្នអាយុ ១០៥ឆ្នាំហើយ ស្រាប់តែទើបបានទទួលសញ្ញាប័ត្រពីសកលវិទ្យាល័យ San diego អាមេរិក ។
រឿងរ៉ាវគឺនៅឆ្នាំ ១៩៣៥ លោកតាបានបញ្ចប់ការសិក្សា ប៉ុន្តែគ្រានោះដោយមានជម្លោះរឿង ប័ណ្ណឥណទានជាមួយសាស្ត្រាចារ្យម្នាក់ នៅក្នុងសាលាទើបលោកពុំត្រូវផ្អាកការទទួលសញ្ញាប័ត្រ។ លោកតារំលឹកថា លោកបានរៀនពីឆ្នាំ ១៩៣០ ពេលនោះ១ត្រីមាសត្រូវបង់ប្រាក់ ៣៥ដុល្លារ ។
សកលវិទ្យាល័យរដ្ឋ San Diego ពេលនោះ មានអគារ 2-3 ប៉ុណ្ណោះ (រូបថតឆ្នាំ ១៩៣០) ។
ក្រោយមក Bill Vogt បានចូលធ្វើទ័ពជើងទឹក ចូលរួមប្រយុទ្ធក្នុងសង្គ្រាមលោកលើកទី II ។ បច្ចុប្បន្នថ្វីត្បិតមានវ័យ ១០៥ឆ្នាំហើយក្តី ក៏លោកនៅមានស្មារតីភ្លឺស្វាង រួសរាយ ហើយចូលចិត្តកីឡា ។
ថ្មីៗនេះ មជ្ឈមណ្ឌលអតីតនិស្សិតរបស់សកលវិទ្យាល័យ San Diego បានរកឃើញ “អតីតនិស្សិត” រូបនេះដោយចៃដន្យ ហើយក៏ជាមនុស្សពុំបានទទួលសញ្ញាប័ត្រ… យូរបំផុតផងដែរ ។
Sandra Cook អនុប្រធានទទួលបន្ទុក បណ្តាបញ្ហាអប់រំរបស់សាលាឲ្យដឹងថា ៖ ពិតជាអស្ចារ្យ ! យើងខ្ញុំបានរកឃើញឯកសាររបស់គាត់នៅក្នុងឃ្លាំងរក្សាឯកសារ ហើយដឹងថា គាត់ពុំទាន់ទទួលបានសញ្ញាប័ត្រ” ។
លោក Bill Vogt (កណ្តាល) ពេលរៀនមហាវិទ្យាល័យ
ពួកគេបានរៀបចំពិធីប្រគល់សញ្ញាប័ត្រជូនលោក Bill Vogt ហើយសញ្ញាប័ត្រនោះ បានចុះហត្ថលេខានៅថ្ងៃទី ១ ខែកុម្ភៈ ឆ្នាំ ១៩៣៥ ។
លោកតាដើរសើចញញឹម ហើយពោលថា ៖ “ខ្ញុំនឹងព្យួរវានៅជញ្ជាំងទាំងក្តីមោទនភាព ។ ខ្ញុំបានបញ្ចប់ការសិក្សានៅសាលាមួយដែលល្អ ។
លោក Bill Vogt រីករាយបន្ទាប់ពីទទួលបានសញ្ញាប័ត្រ ក្រោយអាក់ខាន ៨ទសវត្សរ៍មក ៕ ចន្ទ្រា
