ខេត្តមណ្ឌលគិរី ៖ ប្រជាពលរដ្ឋរស់នៅខេត្តមណ្ឌលគិរី បានអះអាងថា អូរហ៊ុច នៅតែជាចំណុចដ៏រសើបបំផុតសម្រាប់ការជួញដូរឈើចេញទៅក្រៅប្រទេស។ អូរហ៊ុច មានទីតាំងនៅស្រុកអូររាំង និងស្រុកកែវសីខេត្តមណ្ឌលគិរី ជាប់ព្រំដែនប្រទេសវៀតណាម។
កាលពីពេលកន្លងមកទីកន្លែង អូរហ៊ុច មានកើតករណីជួញដូរជាច្រើនករណី រហូតដល់ជាប់ពាក់ព័ន្ធ ជាមួយមន្ត្រីតូចធំនៅក្នុងខេត្តមណ្ឌលគិរី ដូចសម្លកំពឹស ។ មិនតែប៉ុណ្ណោះអូរហ៊ុច ជាកន្លែងកកើតបទល្មើសព្រៃឈើមិនចេះរីងស្ងួត រហូតដល់ក្រុមពាក់ព័ន្ធបទល្មើសព្រៃឈើ ហ៊ានសម្លាប់មន្ត្រីអាវុធហត្ថលើផ្ទៃប្រទេស និងមន្ត្រីបរិស្ថានឲ្យបាត់បង់ជីវិត ២នាក់ទៀតផង កាលពីពេលថ្មីៗនេះ។
ទោះបីចំណុចដ៏រសើបខាងកើតមានបទល្មើសព្រៃឈើ ដែលកន្លងមកធ្លាប់មានការបង្ក្រាបរបស់គណៈកម្មការថ្នាក់ជាតិម្ដងមកហើយក្តី ប៉ុន្តែពេលនេះ ជារឿយៗនៅតែមានបទល្មើសឈើដដែល។ បច្ចុប្បន្នក្រុមឈ្មួញបានប្រើរូបភាព របៀបក្រពើរបណ្តែតទឹក ដោយកាប់ឈើទំលាក់ចូលក្ន្ងុងអូរ ចង់ជាមួយឬស្សីធ្វើជាក្បូន ដោយមានទូករបស់ឈ្មួញវៀតណាម ចាំសណ្តោងយកទៅស្រុកគេដោយរលូតពុំមានរំខានដល់មន្ត្រីឈរជើងចំណុចទាំងនោះឡើយ។
ប្រភពឲ្យដឹងថា បទឈ្មើសព្រៃឈើដែលគេកំពុងលួចធ្វើសកម្មភាពទាំងនោះរួមមាននៅចំណុច បាយហន ចំណុចថ្មបីដុំ ចំណុច អូរកិល ចំណុច ក្បាលអូរកិល និង អន្លួងស្រួយ ទីតាំងទាំង ៥ចំណុចខាងលើ គ្រប់គ្រង់ដោយ លោក យ៉ាត សុជា ដែលជាមនុស្សជំនិត របស់ លោក ឡេង សុភាន់ មេបញ្ជាការវរះ៦២១។
អ្នកពាក់ព័ន្ធករណីជួញដូរឈើឆ្លង់ដែនទៅក្រៅប្រទេសចំណុចខាងលើនេះ ត្រូវបានប្រភពទំលាយអោយដឹងអោយអ្នកសារព័ត៌មានដឹងថា ជាប់ពាក់ព័ន្ធ និង មេវរៈការពារព្រំដែនគោកលេខ ៦២១ ឈ្មោះ ឡេង សុភាន់ លោក សា ផល្លា លោក យ៉ាត សុខជា សុទ្ធសឹងជាមន្ដ្រីនគបាលឈជើងនៅទីនោះ។ បច្ចប្បន្នពួកគេមានក្បូនចំនួន ៥០ទូកចំនួន១០ ហើយក្នុង ទូក១គ្រឿង អូសបាន៣ក្បូន ។
ជុំវិញពត៌មានខាងលើ អ្នកព័ត៌មានយើងបានធ្វើការទំនាក់ទំនងទៅ លោក ឡេវ សុភាន់ និងលោកយ៉ាត សុជា តាមទូរស័ព្ទ ហៅចូលច្រើនដងតែគ្មានអ្នកទទួល។ ដោយឡែកខាង លោក ឌិន ប៊ុនធឿន នាយកដែនជម្រកសត្វព្រៃកែវសីមា បានអោយដឹងថា ពិតជាមានករណីលួចប្រព្រឹត្តបទល្មើសព្រៃឈើនៅចំណុចខ្សែក្រវ៉ាត់ព្រំដែនប្រាកដមែន។
លោកបន្តថា តំបន់ព្រំដែនពិបាកក្នុងការធ្វើការបង្ក្រាបព្រោះនៅជិតព្រំដែនប្រទេសទាំងពីរកម្ពុជាវៀតណាម។ ហើយថា កាលពីពេលថ្មីៗនេះ ក្រុមការងារ របស់លោកបានចុះទៅដល់ចំណុចខាងលើនោះដែរ ហើយក៏បានប្រទះឃើញមានមនុស្សមួយក្រុមប្រដាប់ដោយម៉ាស៊ីនអារឈើ តែសមត្ថកិច្ចឃាត់មិនបាននោះទេ ពីព្រោះក្រុមនោះដឹងខ្លួនមុន រួចនាំគ្នាលោតចូលទឹកអូរ ដែលជាតំបន់ស ដីខ្មែរ ម្ខាង ដីវៀតណាមម្ខាង៕ ដោយ៖ សមុទ្រ ឈើ