ស្ថាប័នមានសមត្ថកិច្ចនៅពុំទាន់ចេញរបាយការណ៍ផ្លូវការក្រោយការញ្ជូយដី២លើក ដែលមានកម្រិត៦,៣និង៧,២រង្វាស់Richter នៅថ្ងៃទី១៩ ខែសីហាម្សិលមិញនេះ។
នៅយប់ថ្ងៃទី១៩ខែសីហា Reuters បានដកស្រង់ព័ត៌មានពីអាជ្ញាធរស្រាវជ្រាវភូគព្ពសាស្ដ្រអាមេរិក USGSឱ្យដឹងថា ការរញ្ជួយដ៏ខ្លាំងមួយកម្រិត៧,២រង្វាស់Richter បានកើតឡើងនៅតំបន់សមុទ្រភាគខាងជើងឦសានកោះ Lombok ប្រទេសឥណ្ឌូណេស៊ី។
ខណៈពេលនោះដែរអាជ្ញាធរក៏បានចុះផ្សាយព័ត៌មានថា ការរញ្ជួយដីនេះមានកម្រិតតែ៦,៩រង្វាស់Richter ស្នូររញ្ជួយដីរាក់មានកម្រិតជម្រៅត្រឹម១គីឡូម៉ែត្រ USGSមជ្ឈមណ្ឌលប្រកាសស៊ូណាមិនៅពុំទាន់មានការព្រមានអំពីស៊ូណាមិទេ។
នៅមុននោះ នាព្រឹកថ្ងៃដដែលនេះ ក៏ការរញ្ជួយដីកម្រិត៦,៣រង្វាស់Richter បានធ្វើឱ្យរង្គើកោះLombokបណ្ដាលឱ្យពលរដ្ឋ ស្លន់ស្លោនាំគ្នាចេញមកនៅតាមផ្លូវ។
USGSឱ្យដឹងថា ការរញ្ជួយដីនេះមានស្នូលរញ្ជួយជម្រៅ៧,៦គីឡូម៉ែត្រនៅជើងភ្នំRinjaniភាគខាងកើតកោះLombok។ ព័ត៌មានដំបូងឱ្យដឹងថា មានមនុស្សមួយចំនួនរងរបួសស្រាលប៉ុណ្ណោះ៕
សូយន