ឯកអគ្គរដ្ឋទូតហ្វីលីពីននៅមូស្គូ Carlos Sorreta ទើបប្រាប់ទីភ្នាក់ងារព័ត៌មានTASSថា ប្រទេសនេះកំពុងសិក្សាមិត្ដភាពដើម្បី ទិញនាវាប្រយុទ្ធពីរុស្ស៊ី ហើយធ្វើការប្រៀបធៀបលក្ខខណ្ឌរបស់រុស្ស៊ីជាមួយប្រទេសដទៃ។
លោកCarlos Sorreta ឱ្យដឹងថា៖ យើងខ្ញុំកំពុងពិនិត្យមើលបណ្ដានាវាប្រយុទ្ធ។ យើងខ្ញុំបានបញ្ជូនមនុស្សមកកាន់ទីនេះ ដើម្បីពិនិត្យមើលឯកសារនិងនាវា ហើយដំណើរការនេះកំពុងប្រព្រឹត្ដទៅ។ពួកគេក៏នឹងពិនិត្យមើលនាវាប្រយុទ្ធរបស់ប្រទេសផ្សេង រួចទើបធ្វើការសម្រេចចិត្ដ។ប្រទេសជាច្រើនចង់មានបរិក្ខាររបស់រុស្ស៊ី ពួកគេវាយតម្លៃអំពីបរិក្ខារនិងលក្ខខណ្ឌរបស់រុស្ស៊ីគឺល្អ។យើងខ្ញុំកំពុងសិក្សាអំពីបណ្ដាមាត្រាទាំងនោះ។
លោកនៅបានកត់សម្គាល់ថា ក្រុងមូស្គូពុំបានលើកមាត្រាណាមួយទាក់ទិនដល់នយោបាយក្នុងពាណិជ្ជកម្មអាវុធនោះឡើយ។រឿងនេះខុសប្លែកពីប្រទេសមួយចំនួន។
ជំហានសំខាន់មួយក្នុងការអភិវឌ្ឍកិច្ចសហប្រតិបត្ដិការគឺរវាងក្រសួងការពារជាតិរុស្ស៊ីនិងសមភាគីហ្វីលីពីន គឺការចុះហត្ថលេខាលើកិច្ចសហការបច្ចេកទេសយោធាកាលពីខែតុលាឆ្នាំ២០១៧។តាមកិច្ចព្រមព្រៀងនោះ រុស្ស៊ីបានប្រគល់អាវុធបាញ់គ្រាប់បែកក្នុងទឹកឱ្យហ្វីលីពីនរួចហើយ ហើយក្រោយការប្រគល់អាវុធនោះ ភាគីទាំងសងខាងអាចចុះហត្ថលេខាបន្ថែមលើកិច្ចព្រមព្រាងយោធាដទៃទៀត៕
សូយន