ធម្មតាទេគ្រាដែលប្រមុខការទូតរៀបមង្គលការ នោះពិតជាមានវត្តមានរបស់ឥស្សរជនជាច្រើននាក់ រឿងដែលគេនឹកស្មានពុំដល់នោះគឺវត្តមានរបស់មេដឹកនាំមហាអំណាចរុស្ស៊ី។
ក្នុងសម្លៀកបំពាក់ពណ៌ខៀវដូចយោធាជើងទឹក លោក Putin បាននាំយកបាច់ផ្កាមួយមកចូលរួមក្នុងមង្គលការរបស់ប្រមុខការទូតអូទ្រីស Karin Kneissl, អាយុ៥៣ឆ្នាំ ជាមួយសេដ្ឋី Wolfgang Meilinger ដែលប្រព្រឹត្តទៅនៅទីក្រុងបុរាណ Gamlitz ប្រទេសអូទ្រីស កាលពីថ្ងៃទី១៩ ខែសីហាម្សិលមិញនេះ។
ការភ្ញាក់ផ្អើលមួយទៀតគឺប្រធានាធិបតីរុស្ស៊ីបានចូលរួមមង្គលការនេះដោយរថយន្ដ ពុំមែនដោយយន្ដហោះដូចប្រព័ន្ធផ្សព្វ ផ្សាយលើកឡើងនោះទេ។លោកបានជិះរថយន្ដជាមួយអ្នកស្រីMargot Klestil-Löffler អតីតជំទាវទី១អូទ្រីស ហើយក៏ធ្លាប់ជាឯកអគ្គរដ្ឋទូតប្រចាំរុស្ស៊ី។
លោក Putin បង្ហាញក្បាច់រាំដ៏ទន់ភ្លន់ជាមួយកូនក្រមុំ។
ជាមួយនឹងបាច់ផ្កាស្រស់ស្អាត លោក Putin នូវបាននាំមកជាមួយក្រុមតន្ដ្រី Kuban Cossak ដើម្បីធ្វើឱ្យពិធីនេះកាន់តែអធិកអធមឡើង។
ប្រធានាធិបតីរុស្ស៊ីនូវបានសរសេរពាក្យជូនពរលើរថយន្ដ Volkswagen Beetle របស់កូនកំលោះកូនក្រមុំទុកជាអនុស្សាវរីយ៍។ពិតជាឡូយមែនដែលលោកជំនួសពាក្យជូនពររបស់ខ្លួនដោយរូបបេះដូង។
ក្នុងពិធីជប់លៀង លោកPutin បានឡើងរាំជាមួយកូនក្រមុំ ហើយមុនពេលចាកចេញទៅលោកបានស្រែកថា “Gorko!”ដែលជា ពាក្យនិយមប្រើនៅរុស្ស៊ីនៅពេលកូនកំលោះនិងកូនក្រមុំថើបគ្នា។
បន្ទាប់ពីមានវត្តមាននៅទីនោះ ១ម៉ោង២០នាទី មេដឹកនាំរុស្ស៊ីបានធ្វើដំណើរសំដៅព្រលានយន្ដហោះGraz ដើម្បីឡើងយន្ដហោះឆ្ពោះទៅកាន់ទីក្រុង Berlin ជួបប្រជុំការងារនឹងនាយករដ្ឋមន្ដ្រីអាល្លឺម៉ង់ Angela Merkel៕
សូយន
