ភ្នំពេញ ៖ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិបានឱ្យដឹងថានៅថ្ងៃទី១៩ ខែសីហា ឆ្នាំ២០១៨ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើង ចំនួន៩លើក(យប់២លើក) បណ្តាលឲ្យមនុស្សស្លាប់ ២នាក់ (ប្រុស) រងរបួសធ្ងន់១៣នាក់ (ស្រី២នាក់) របួសស្រាល ២០នាក់(ស្រីម្នាក់) ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៨នាក់(យប់២នាក់)។
មូលហេតុដែលបណ្តាលឲ្យកើតមានករណីគ្រោះថ្នាក់ចរាចររួមមានៈ ល្មើសល្បឿន ៤លើក (ស្លាប់១នាក់) មិនគោរពសិទ្ធិ ១លើក ប្រជែង ២លើកនិងកត្តាយាន ២លើក(ស្លាប់១នាក់)។ បណ្តាលឲ្យខូចខាតយានយន្ត សរុបចំនួន ១៦គ្រឿង រួមមាន ម៉ូតូ ចំនួន៦គ្រឿង រថយន្តធុនតូច ចំនួន៧គ្រឿង និងរថយន្តធំ ២គ្រឿង រ៉ឺម៉ក១គ្រឿង។ យានយន្តដែលបង្កហេតុ រួមមាន ម៉ូតូ ៣លើក រថយន្តធុនតូច ចំនួន៥លើក រថយន្តធុនធំ ១លើក ។ គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៧លើក ផ្លូវខេត្ត ១លើកនិងផ្លូវលំ១លើក។
រាជធានី-ខេត្ត ដែលមានគ្រោះថ្នាក់និងរងគ្រោះថ្នាក់ រួមមាន ៖ ខេត្តត្បូងឃ្មុំ ១លើក ស្លាប់១នាក់ របួស១នាក់និងខេត្តស្ទឹងត្រែង ១លើក ស្លាប់១នាក់។
តាមរបាយការណ៍គ្រោះថ្នាក់ចរាចរណ៍ទូទាំងប្រទេសរយៈពេល១៩ថ្ងៃ គិតចាប់ពីថ្ងៃទី១ ខែសីហា ដល់ថ្ងៃទី១៩ ខែសីហា ឆ្នាំ២០១៨ មានគ្រោះថ្នាក់ចំនួន ១៥៦លើក ស្លាប់ចំនួន៧៥នាក់ របួសសរុបចំនួន២១៣នាក់ របួសធ្ងន់១៣៦នាក់ របួសស្រាលចំនួន៧៧នាក់។
លទ្ធផលត្រួតពិនិត្យការអនុវត្តច្បាប់ចរាចរណ៍ថ្ងៃទី១៩ ខែសីហា ឆ្នាំ២០១៨ គិតពីម៉ោង១៤ ថ្ងៃទី១៨ ខែសីហា ដល់ម៉ោង១៤ ថ្ងៃទី១៩ ខែសីហា ឆ្នាំ២០១៨ រួមមាន ៖ មធ្យោបាយចូលគោលដៅ ១៦៨៦ គ្រឿង (ម៉ូតូ៥៣ភាគរយ) មធ្យោបាយល្មើស ១៦១គ្រឿង (ម៉ូតូ៦៣ភាគរយ) អប់រំ ៧៨គ្រឿង (ម៉ូតូ៤៨ភាគរយ) ពិន័យ ៨៣គ្រឿង (ម៉ូតូ១០០ភាគរយ) ៕ ដោយ ៖ បញ្ញាស័ក្តិ
