ខេត្តព្រះសីហនុ៖ អភិបាល នៃគណៈអភិបាលខេត្តព្រះសីហនុ លោក យន្ត មីន មានប្រសាសន៍ថា ថ្ងៃច័ន្ទ ទី២០ ខែសីហា ឆ្នាំ២០១៨នេះ គឺជាថ្ងៃដែលក្មួយៗសិស្សានុសិស្ស ប្រឡងយកសញ្ញាបត្រទុតិយភូមិ ឬសញ្ញាប័ត្របាក់ឌុបជាប់ (កំរិត២) ។ ផ្តើមពីបញ្ហានេះ លោក បន្តថា ក្នុងនាមរដ្ឋបាលខេត្ត និងក្នុងនាមខ្ញុំបាទផ្ទាល់ ខ្ញុំសូមជូនពរក្មួយៗប្រឡងជាប់គ្រប់ៗគ្នា..។
លោក យន្ត មីន ឲ្យដឹងដូច្នេះ រួចបញ្ជាក់ថា ក្នុងនាមឯកឧត្តមបណ្ឌិត ប៉ុល សារឿន អ្នកតំណាងរាស្ត្រមណ្ឌលព្រះសីហនុ និងសប្បុរសជនទន្ទឹងរង់ចាំលើកទឹកចិត្តដល់ជ័យលាភី នូវរង្វាន់លើកទឹកចិត្ត និទ្ទេសA ក្នុងម្នាក់ៗទទួលបានម៉ូតូ១គ្រឿង។ ល។
ព្រមជាមួយគ្នានេះ លោក យន្ត មីន អភិបាលខេត្តព្រះសីហនុ បានជូនពរដល់សិស្សានិសិស្សទាំងអស់ សូមឲ្យយប់នេះក្មួយៗទទួលទានដំណេកអោយលក់ស្រួល ដើម្បីថ្ងៃស្អែកប្រមូលបញ្ញាចូលប្រឡង កុំឲ្យមានការភិតភ័យ “អ្នកចេះគឺប្រឡងជាប់” ៕ “យន្ត មីន”
ដោយ ៖ ដែន សីមា