ហេតុការណ៍មួយ បានបង្កឲ្យមានការភ្ញាក់ផ្អើលទាំងព្រឹក នៅផ្សារ Puchong Indah ប្រទេសម៉ាឡេស៊ី នៅពេលស្ត្រីអាយុ ៦២ ឆ្នាំ ម្នាក់ដែលតែងឡើងផ្សារទិញទំនិញតាមទម្លាប់ បានប្រទះឃើញស្ត្រីម្នាក់ដែលបានឆរបោកលុយនាង កាលពីខែកក្កដា បានស្រែកខ្លាំងៗថា «ជនឆរបោកៗ!» និងចុងក្រោយស្ត្រីត្រូវបានចោទប្រកាន់នោះ ក៏ត្រូវបានចាប់ខ្លួនតែម្តង ។
ប្រភពពី Sinar Harapan និយាយថា ស្ត្រីចំណាស់ម្នាក់បានចូលក្នុងហ្វូងមនុស្ស នៅផ្សារខាងលើ ដើម្បីជួយស្ត្រីរងគ្រោះ ចាប់ចងស្ត្រីត្រូវបានចោទប្រកាន់ ទៅនឹងបង្កាន់ដៃដែកមួយជាប់ផ្សារ ។
មុនពេលហេតុការណ៍នេះកើតឡើង ស្ត្រីចំណាស់នេះត្រូវបានគេដាក់ថ្នាំសណ្តំ ខណៈគាត់បានដើរផ្សារកបាលដើមខែកក្កដា ដោយមនុស្សស្រី៣នាក់ ដែលជាជនជាតិចិន ។
ស្ត្រីចិនទាំងនោះដែលមានវ័យស្របាលៗគ្នា ៤០ ឆ្នាំ បានប្រាប់គាត់ថា ផ្ទះរបស់គាត់ត្រូវបានរំខាន និងត្រូវការ «ជម្រះឧបទ្រុបចង្រៃ» ។ បន្ទាប់មក ពួកគេក៏បានដើរតាមគាត់ដល់ផ្ទះ និងប្រាប់ឲ្យប្រគល់របស់របរមានតម្លៃ និងគ្រឿងអលង្ការទាំងអស់របស់គាត់ ទៅពួកគេ ។ នៅថ្ងៃបន្ទាប់មក ស្ត្រីជនជាតិចិនឆបោកទាំង៣នាក់ ក៏បានមកទាក់ទងស្ត្រីរងគ្រោះ និងប្រាប់គាត់ឲ្យដកលុយជាច្រើនទៀត ដើម្បីជួយបណ្តេញខ្មោចចេញពីផ្ទះរបស់នាង ។
យោងតាម The Star ស្ត្រីរងគ្រោះបានបាត់បង់លុយប្រមាណជាង ២០០០ ដុល្លារ នៅក្នុងថ្ងៃនោះ ហើយរួមទាំងចិញ្ចៀនមាសចំនួន ៥ វង់ និងខ្សែច្រវាក់មាសចំនួន ៥ ទៀតផងដែរ ។
ប៉ុន្តែ ពេលនេះ នៅពេលនាងប្រទះឃើញស្ត្រីម្នាក់ក្នុងចំណោមពួកគេទាំង៣នាក់ នៅក្នុងផ្សារ គាត់ក៏បានធ្វើរឿងនេះយ៉ាងល្អ ដោយបាននិយាយថា កុំមកអុកឡុកជាមួយពួកយើងជាជនជាតិម៉ាឡេស៊ី! ។
បន្ទាប់ពីទទួលព័ត៌មានអំពីរឿងរ៉ាវនេះ ប៉ូលីសក៏បានចុះទៅកាន់កន្លែងកើតហេតុនៅវេលាម៉ោង ៧ និង ៤៥ នាទី ព្រឹក និងចាប់ខ្លួនស្ត្រីជនជាតិចិនអាយុ ៤៧ ឆ្នាំ ។
ទាក់ទងករណីនេះ ប៉ូលីសម៉ាឡេស៊ី ក៏បានព្រមានដល់ជនជាតិខ្លួន ឲ្យមានការប្រុងប្រយ័ត្ន ចំពោះក្រុមមនុស្សស្រីជនជាតិចិនទាំងនេះ ៕ ចន្ទី (Worldofbuzz)