ពុំត្រឹមតែមានរូបរាងគួរខ្លាចបុណ្ណោះទេ រុក្ខជាតិនេះអាចបណ្ដាលឱ្យអ្នកស្លាប់បាន។
អ្នកស្មានមើលពួកវាជាអ្វី?
មនុស្សមិនតិចនាក់ទេគ្រាឃើញវាដំបូងបានស្រែកភ្លាត់សំឡេងថាវាមិនខុសអ្វីនឹងបាតដៃមនុស្សស្លាប់ដែលផុសឡើងពី ក្រោមដីឡើយ។
ប៉ុន្ដែពេលសម្លឹងមើលឱ្យបាននម៉ត់ចត់នោះ ទើបដឹងថាវាជាអម្បូរផ្សិតម្យ៉ាង ហើយជាប្រភេទដែលពិសពុលថែមទៀត។
ឈ្មោះពិតរបស់ផ្សិតនេះគឺ Xylaria polymorpha។ប៉ុន្ដែដោយឈ្មោះវាវែងពិបាកចាំ ទើបគេនាំគ្នាហៅថា ផ្សិតម្រាមដៃមនុស្សស្លាប់ ឬផ្សតិបាតដៃ។
ប្រភេទផ្សិតនេះមានកម្ពស់ប្រមាណពី 3 – 10cm វិជ្ឈមាត្រ 2,5cm ដើមវារឹង ចុងរាងមូលនិងច្រើនរីកនៅរដូវផ្ការីកតាមបណ្ដាដើមឈើធំៗ
រចនាសម្ព័ន្ធខាងក្នុងរបស់ផ្សិតម្រាមដៃអ្នកស្លាប់
ពេលចាប់ផ្ដើមផុសចេញពីដី ផ្សិតនេះមានសណ្ឋានមូលក្លំ ពណ៌សក្បុស ទម្រង់ដូចជាម្រាមដៃមនុស្ស។ ប៉ុន្ដែនៅដំណាក់កាលត្រៀមងាប់ទៅវិញវាប្ដូរទៅជាពណ៌ខ្មៅ រួចចាប់ផ្ដើមរលេះរលួយ។ខណៈពេលនោះឯង សារធាតុពុល របស់វាឡើងដល់កម្រិតកំពូលអាចមសម្លាប់មនុស្សបាន។
សារធាតុពុលសំខាន់ក្នុងផ្សិតនេះគឺ trichothecene mycotoxinវាបង្កឱ្យមានអាការពិបាកទ្រាំ ឥទ្ធិពលទៅលើថ្លើម ក្រលៀនបន្ថយកោសិកាឈាម។ល។
ដូច្នេះឯង ពេលឃើញពពួកផ្សិតមានរាងរៅបែបនេះ វិធីល្អនោះគួរគេចឆ្ងាយអំពីពួកវា។
យ៉ាងនេះក្ដី វានៅមានអត្ថប្រយោជន៍មួយផ្នែកដែរព្រោះពួកវាប្រើប្រព័ន្ធឡើងមេដើម្បីសំយោគសារធាតorganic ឱ្យទៅ អូកានិក(inorganic) ប្រែស្លឹកឈើក្រៀមឱ្យទៅជាកម្ទេចឈើសើម
នៅដំណាក់កាលចុងក្រោយនៃជីវិតផ្សិតនេះប្រែទៅជាពណ៌ខ្មៅ រួចរលេះរលួយបន្ដិចម្ដងៗ។ទន្ទឹមនោះXylaria polymorpha វាជួយបង្កើនជីវជាតិដល់តំបន់ដីដែលនៅក្បែៗនោះ ។
តាមព័ត៌មានថ្មីដែលប្រិយមិត្តគួរប្រុងប្រយ័ត្ន គឺផ្សិតម្រាមដៃអ្នកស្លាប់នេះមិនត្រឹមមានក្នុងព្រៃប៉ុណ្ណោះទេ ឥឡូវនេះគេបានឃើញវត្តមានវានៅក្នុងចម្ការដែលមានឈើពុក។
ហេតុនេះទោះបីវាចម្លែកប្លែកភ្នែកយ៉ាងណាក៏ពុំគួរទៅបេះ ហើយប្រយ័ត្នវាមានលាយចូលទៅក្នុងបន្លែរបស់អ្នកដែលពុំបានលាងស្អាត ពុំនោះសោតវាអាចធ្វើឱ្យអ្នកដែលជ្រុលជ្រោះបរិភោគវានឹងក្លាយទៅជាខ្មោចយ៉ាងពិត
ប្រាកដមួយ៕
សូយន
