ភ្នំពេញ ៖ លោកហែម ដារិទ្ធិ អភិបាលខណ្ឌពោធិ៍សែនជ័យ តាមរយៈផេកហ្វេសប៊ុកផ្លូវការ នាព្រឹកថ្ងៃទី២០ខែសីហានេះ បានសរសេរថា កំប្លែងលេងឲ្យមើល មិនមែនឲ្យធ្វើតាមនោះទេ។ មនុស្សមួយចំនួនតូច បានដើរបាចដែកគោល និងវីស ដើម្បីឲ្យយាន្តគេធ្លាយ មុតកង់-កង់ម៉ូតូ-កង់ឡាន ។
លោក អភិបាលខណ្ឌ បានថ្លែងថា បើចង់មានលុយច្រើន មិនត្រូវមានគំនិតអាក្រក់-ថោកទាបយ៉ាងនេះទេ ។ ហើយក៏សូមអរគុណ ដល់ប្រធានផ្សារ និងសន្តិសុខផ្សារជម្ពូវ័ន្ត ដែលបានបោសសម្អាត តាមផ្លូវជាតិលេខ៤ ប្រមូលបានវីស និងដែកគោលជាច្រើន ។
លោកបានថ្លែងថា ខ្ញុំរកឃើញករណីនេះ ដោយសន្តិសុខផ្សារ គាត់ដើរបោសសម្អាតតាមផ្លូវ ក្នុងមួយដងៗ មានដែកគោល និងវីសទាំងចានៗ បានដាក់ការសង្ស័យថា ជាការបាច ដើម្បីរកលុយ តាមការប៉ះកង់នេះឯង៕ ដោយ ៖ បញ្ញាស័ក្តិ
