ជារឿយៗ មានសិស្សជាច្រើនណាស់ដែលមិនមានលទ្ធភាពទៅសាលារៀននឹងគេ។ ទោះបីជាសាលារដ្ឋទាំងអស់ មិនមានតម្រូវឲ្យសិស្សបង់ថ្លៃសិក្សាក៏ដោយ ការចំណាយប្រចាំថ្ងៃ និងការចំណាយលើ សម្ភារៈសិស្សាគឺជាបញ្ហាចោទសម្រាប់សិស្សក្រីក្រ។
ដោយសារតែបញ្ហាទាំងនោះហើយ ទើបបណ្តាលឲ្យមានសិស្សជាច្រើន បានបោះបង់ចោលការសិក្សា និងចាប់ផ្តើមធ្វើការដើម្បីជួយ
ក្រុមគ្រួសាររបស់ពួកគេ។
ដូចជាករណីកុមារម្នាក់នេះជាដើម។ ទោះជាគាត់ជួបការលំបាក ក៏គាត់មិនបោះបង់ចោលការសិក្សាដែរគឺគាត់ត្រូវទៅសាលារៀនយឺតជារឿងរាល់ថ្ងៃ ដោយសារតែគាត់ត្រូវធ្វើការផង និងទៅរៀនផង។
ការមកសាលារៀនឲ្យបានទៀងទាត់គឺជាអ្វីដែលសាលាតម្រូវឲ្យសិស្សានុសិស្សធ្វើ ប៉ុន្តែកុមារម្នាក់នេះត្រូវមកសាលារៀនយឺតជារៀងរាល់ថ្ងៃ ហើយគ្រូរបស់គាត់តែងតែធ្វើការពិន័យគាត់ ដោយវាយនឹងរំពាត់។
គាត់មកយឺត និងទទួលបានការពិន័យជារៀងរាល់ថ្ងៃ រហូតដល់ថ្ងៃមួយ ទើបគ្រូរបស់គាត់មានការសោកស្តាយ នៅបានដឹងពីរឿងពិតរបស់គាត់។ ខណៈពេលគាត់កំពុងរត់ហាត់ប្រាណនៅពេលព្រឹកព្រលឹម គាត់បានប្រទះឃើញសិស្សរបស់គាត់ម្នាក់ដោយចៃដន្យ។ សិស្សនោះគាត់សម្គាល់ឃើញថា មករៀនយឺតជារៀងរាល់ថ្ងៃ។
នៅពេលតាមដានសិស្សដែលមកយឺតនោះ ទើបគាត់ដឹងពីមូលហេតុ ហើយនៅថ្ងៃទី ៤ សិស្សរបស់គាត់មកយឺតដដែល ប៉ុន្តែគាត់មិនពិន័យដូចសព្វដងនោះទេ តែគាត់សោកស្តាយ និងអោបសិស្សនោះ ដោយគាត់និយាយថា គាត់ពិតជាមានមោទនៈភាពណាស់ដែលមានសិស្សម្នាក់ខំមករៀនទាំងជីវិតជួបការលំបាកខ្លាំង៕ សុភ័ក្ត្រ
ប្រភព៖ Trends Zilla
