ហេតុការណ៍នេះ បានកើតឡើងនៅខាងក្រោយផ្សារទំនើប Boulevard នៅ Miri, Sarawak កាលពីថ្ងៃទី២០ ខែកក្កដា វេលាម៉ោងប្រហែល៣ និង ១៥ នាទីរសៀល នៅពេលដែលជនរងគ្រោះជាអ្នកឱសថស្ថានអាយុ ៣១ ឆ្នាំ កំពុងដើរនៅក្នុងតំបន់នោះ ។
យោងតាមប្រធានស៊ើបអង្កេតបទល្មើសរដ្ឋ លោក Denis Leong Soon Kuai បានឲ្យដឹងថា ខណៈស្ត្រីរងគ្រោះកំពុងដើរឆ្លងកាត់តំបន់ ស្រាប់តែចោរម្នាក់ជិះម៉ូតូ ចូលមកពីខាងក្រោយ មុនពេលឆក់យកកាបូបរបស់នាង ។
ជាអកុសល សម្រាប់ជនរងគ្រោះ ព្រោះតែសក់របស់នាងបានត្រូវជាប់នឹងច្រវាក់ម៉ូតូ នៅពេលចោរព្យាយាមរត់ចេញ ។
បើប្រភពមួយឲ្យដឹង ស្ត្រីរងគ្រោះត្រូវបានអូសពីរបីម៉ែត្រ ដោយសក់របស់នាង មុនពេលចោរនោះ បាត់បង់ម្ចាស់ការបើកបរម៉ូតូ និងដួល! ។
មនុស្សជាច្រើននៅកន្លែងកើតហេតុ បានប្រញាប់ប្រញាល់នាំគ្នាវាយធ្វើបាបចោររូបនោះ និងព្យាយាមជួយជនរងគ្រោះ ដែលនៅតែជាប់សក់នឹងច្រវាក់ម៉ូតូ ។
ប៉ូលីសនិយាយថា ចោរអាយុ ២៤ ឆ្នាំ នោះ ត្រូវបានវាយធ្វើបាបយ៉ាងសាហាវ មុនពេលត្រូវបានប្រគល់ឲ្យប៉ូលីសឃុំខ្លួន ។
ជនរងគ្រោះដែលបានរងរបួសធ្ងន់ធ្ងរ ដោយសារនាងបានដួល ហើយសក់របស់នាងក៏ត្រូវជាប់នឹងកង់ម៉ូតូ ត្រូវបានគេដឹកយកទៅសង្គ្រោះនៅមន្ទីរពេទ្យក្បែរនោះ ៕ ចន្ទី (Worldofbuzz)