តាមReuters ដែលដកស្រង់សម្ដីនាយករដ្ឋមន្រីម៉ាឡេស៊ីថ្លែងក្នុងសន្និសីទសារព័ត៌មានរួមគ្នាជាមួយនាយករដ្ឋមន្ដ្រីចិន៖«យើងខ្ញុំសង្ឃឹមថា អាចធ្វើឱ្យប្រទេសចិនយល់បានអំពីបណ្ដាបញ្ហាដែលបច្ចុប្បន្ននេះម៉ាឡេស៊ីកំពុងប្រឈមមុខ។ខ្ញុំសង្ឃឹមថាចិននឹងមានចក្ខុវិស័យយោគយល់ចំពោះបណ្ដាបញ្ហាដែលយើងខ្ញុំត្រូវដោះស្រាយ ហើយអាចនឹងជួយដល់យើងខ្ញុំដោះស្រាយបញ្ហាមួយចំនួនអំពី ហិរញ្ញវត្ថុផ្ទៃក្នុង»។
សេចក្ដីប្រកាសខាងលើរបស់នាយករដ្ឋមន្ដ្រីម៉ាឡេស៊ី ត្រូវបានលើកឡើងក្នុងបរិបទដែលលោកកំពុងប្រឹងប្រែងចរចាឡើងវិញ ឬអាចលុបចោលបណ្ដាគម្រោងការណ៍មានតម្លៃជាង២០ពាន់លានដុល្លារវិនិយោគដោយចិន។លោកក៏បានអះអាងថា ម៉ាឡេស៊ីមិនចង់ប្រឈមមុខជាមួយប្រទេសណាទាំងអស់ ហើយក៏សង្កត់ធ្ងន់ទៅលើប្រយោជន៍ទាំងឡាយដែលប្រទេសនេះទទួលបានក្នុងការបង្កើនចំណងទាក់ទងអំពីពាណិជ្ជកម្ម បច្ចកវិជ្ជា និងជំនួញជាមួយចិន។
ជាការឆ្លើយតប នាយករដ្ឋមន្ដ្រីចិនសង្ឃឹមថានឹងពង្រីកទំនាក់ទំនងពាណិជ្ជកម្មជាមួយម៉ាឡេស៊ីដើម្បីធ្វើតុល្យភាពជញ្ជីងពាណិជ្ជកម្មទ្វេភាគី។ចិនក៏នឹងបង្កើនការនាំចូលផលិតផលកសិកម្ម ពិសេសប្រេងដូងរបស់ម៉ាឡេស៊ី ៕
សូយន