បាត់ដំបង ៖ បុរសម្នាក់ បានយកម៉ូទ័រទៅបូមទឹកក្នុងអណ្តូងដាក់ពាង បណ្តាលឲ្យត្រូវខ្សែភ្លើងឆក់ ស្លាប់នៅ ថ្ងៃទី១៩ ខែសីហា ឆ្នាំ២០១៨ វេលាម៉ោង ១២ ចំណុចក្រុមទី៦ ភូមិតាហែន១ ឃុំរកា ស្រុកសង្កែ ។
សមត្ថកិច្ចបានបញ្ជាក់អោយដឹងថា កណីខ្សែភ្លើងឆក់មនុស្សស្លាប់ ១នាក់ឈ្មោះ យ៉ាន់ មករា ភេទប្រុស អាយុ ២៤ឆ្នាំ រស់នៅចំណុចកើតហេតុខាងលើ។ ជនរងគ្រោះបានយកម៉ូទ័រទៅបូមទឹកក្នុងអណ្តូងដាក់ពាង ពេលដែលកំពង់បូមម៉ូទ័ររអិលធ្លាក់ទឹក ក៏ចុះទៅលើកមកវិញភ្លាមៗនោះជនរងគ្រោះត្រូវបានខ្សែភ្លើងឆក់ ហើយក្រុមគ្រួសារបានដឹកទៅសង្គ្រោះនៅគ្លីនិចវិសាលសុខទៅ ដល់ពេទ្យក៏ត្រឡប់មកវិញព្រោះស្លាប់បាត់ហើយ។
ដោយឆ្លងតាមការចុះត្រួតពិនិត្យនៅកន្លែងកើតហេតុ និងសាកសពរបស់ក្មេងប្រុសរងគ្រោះឈ្មោះ យ៉ាន់. មករា សមត្ថកិច្ចអាចសន្និដ្ឋានបានថាជនរងគ្រោះពិតជាឆក់ខ្សែភ្លើងស្លាប់ពិតប្រាកដមែន៕ ដោយ ៖ បញ្ញាស័ក្តិ