រដ្ឋការនៃរដ្ឋCalifornia ទើបប្រកាសនូវពង្រាងច្បាប់ហាមឃាត់មិនឱ្យលក់ទឹកក្រូវដល់ក្មេងៗ ហើយបង្ខំពួកគេទទួលយកជម្រើស២គឺទឹកសុទ្ធនិងទឹកដោះគោ ក្នុងកិច្ចប្រឹងប្រែងមួយរារាំងការធាត់ស្អៀចរបស់ស្រទាប់ យុវវ័យនិងក្មេងវ័យជំទង់។
តាមពង្រាងច្បាប់ថ្មីនេះ ភោជនីយដ្ឋានទាំងឡាយត្រូវបង្ខំឱ្យលក់តែទឹកដោះគោនិងទឹកសុទ្ធដល់ក្មេងៗ។ក្នុងករណីដែលមានឳពុកម្ដាយទៅជាមួយ ហើយសំណូមពរឱ្យលក់ទឹកក្រូចដល់កូនៗពួកគេនោះ ភោជនីយដ្ឋានទាំងឡាយក៏ត្រូវបានអនុញ្ញាតលក់សូដាទឹកផ្លៃឈើដល់ក្មេងៗប៉ុណ្ណោះ។
គម្រោងព្រាងនេះត្រូវបានសភារដ្ឋCalifornia អនុម័ត ហើយកំពុងរង់ចាំអភិបាលរដ្ឋJerry Brown ចុះហត្ថលេខាដើម្បីក្លាយជាច្បាប់សម្រាប់អនុវត្តន៍។
ប្រសិនបើជាច្បាប់នេះត្រូវបានអនុម័តជាផ្លូវការ នោះរដ្ឋCalifornia គឺជារដ្ឋដំបូងដែលប្រើប្រាស់ច្បាប់ដើម្បីទប់ស្កាត់ ស្ថានភាពធាត់ស្អៀចៗ។
សម្ព័ន្ធសមាគមប្រឆាំងរោគមហារីកនៅអាមេរិក បានប្រកាសគាំទ្រគម្រោងព្រាងច្បាប់នេះ។ សេចក្ដីប្រកាសនោះសរសេរថា៖ «ក្មេងៗមួយចំនួនផឹកទឹកក្រូចប្រមាណ៣ដបរៀងរាល់ថ្ងៃ។ប្រការនេះពុំត្រឹមមានហានិភ័យធាត់ស្អៀចប៉ុណ្ណោះទេ គឺថែមទាំងកើតជំងឺមហារីកទៀត។បណ្ដាការស្រាវជ្រាវបាងបង្ហាញឱ្យឃើញថា មានអ្នកកើតមហារីកប្រមាណ២១ភាគរយគឺទាក់ទិនដល់ការលើកទម្ងន់និងធាត់ស្អៀច»៕
លីសា