អ្នកជំនួញដែលមានការភ្ញាក់ផ្អើលមួយរូប បានសម្រេចចិត្តផុសនៅលើគណនីហ្វេសប៊ុករបស់ខ្លួន ដើម្បីព្រមានដល់អ្នកដទៃ ពីពួកចោរដែលកំពុងធ្វើដំណើររបស់ពួកគេ នៅតាមបណ្តាជើងហោះហើរថ្នាក់ជំនួញ ។
ហេតុការណ៍នេះបានកើតឡើង ខណៈអ្នកជំនួញឈ្មោះ Faiz Mokhtar បានហោះហើរត្រឡប់ទៅកាន់ទីក្រុងគូឡាឡាំពួ ពីទីក្រុងហូជីមិញ ប្រទេសវៀតណាម តាមរយៈក្រុមហ៊ុនអាកាសចរណ៍ម៉ាឡេស៊ី (MAS) កាលពីថ្ងៃទី១៨ ខែសីហា ។
គាត់បានដាក់វ៉ាលីរបស់គាត់ ចូលទៅផ្អែកផ្ទុកខាងលើនៃបន្ទប់យន្តហោះ នៅពេលគាត់ចូលទៅក្នុងយន្តហោះ ។ ភ្លាមៗបន្ទាប់នោះ ម្នាក់ក្នុងចំណោមដៃគូរបស់គាត់ជាច្រើននាក់ ដែលកំពុងធ្វើដំណើរជាមួយគាត់ បានកត់សម្គាល់ទៅលើបុរសគួរឲ្យសង្ស័យម្នាក់ ដែលបានទៅកាន់កន្លែងដាក់វ៉ាលី និងបានយកការតាបយួរដៃរបស់ Mokhtar ចេញ ហើយយកវាទៅកាន់កៅអីរបស់គាត់តែម្តង ។
Mokhtar ភ្លាមៗនោះ បានដេញតាមបុរសនោះ ដើម្បីប្រឈមមុខជាមួយគាត់ និងបានរកឃើញថា គាត់កំពុងយកក្រដាសរូបិយប័ណ្ណអន្តរជាតិក្នុងនោះមានលុយអឺរ៉ូ និង USD ពីការតាបរបស់គាត់ ញាត់ចូលទៅក្នុងហោប៉ៅរបស់គាត់យ៉ាងច្បាស់ ។ Mokhtar បន្ទាប់មក ក៏បានទៅត្រួតពិនិត្យមើលការតាបរបស់គាត់ ជាមួយដៃគូដទៃទៀតរបស់គាត់ ដោយខ្លាចក្រែងថាបុរសរូបនោះ បានកំពុងធ្វើឲ្យគាត់ក្លាយជាជនជាប់ចោទ តាមរយៈការដាក់បញ្ចូលនូវរបស់ខុសច្បាប់ដូចជាគ្រឿងញៀនជាដើម ។
តាមរយៈគណនីរបស់ខ្លួន Mokhtar បានចែករំលែកឲ្យដឹងថា៖
«ខ្ញុំបានទៅកាន់កៅអីរបស់បុរសនោះ និងចាប់បានគាត់បង្ហាញការភ្ញាក់ផ្អើល ដែលឆែកឆេរកាតាបរបស់ខ្ញុំ ហើយដៃឆ្វេងរបស់គាត់កាន់រូបបិយប័ណ្ណក្រដាសបរទេសមួយចំនួន (លុយអឺរ៉ូ និងដុល្លារអាមេរិក ដែលខ្ញុំប្រាកដណាស់ថា វាជាលុយរបស់ខ្ញុំ១០០%) ហើយមើលទៅហាក់ដូចប្រហែលកំពុងរក្សាពួកវាទុកនៅក្នុងហោប៉ៅរបស់គាត់ ។»
«ខ្ញុំបានប្រឈមមុខនឹងគាត់ ជាមួយដៃគូដទៃទៀតរបស់ខ្ញុំ ដែលនៅជុំវិញពួកយើង ។ ខ្ញុំបានធ្វើការត្រួតពិនិត្យកាតាបរបស់ខ្ញុំ ព្រោះការព្រួយបារម្ភធំបំផុតរបស់ខ្ញុំ គឺឯកសារធ្វើដំណើររបស់ខ្ញុំ (ដូជាលិខិតឆ្លងដែន ជាដើម) ហើយថាតើគាត់បានដាក់បញ្ចូលរបស់ខុសច្បាប់ណាមួយ នៅក្នុងបំណងប្រើប្រាស់ខ្ញុំធ្វើជាអ្នកដឹកជញ្ជូនរបស់គាត់ ។»
បន្ទាប់ពីប្រឈមមុខ Mokhtar និងដៃគូរបស់គាត់ បានហៅអ្នកបំរើលើយន្តហោះ មកគ្រប់គ្រងស្ថានការណ៍នេះ ។
Mokhtar និយាយថា៖ «សន្តិសុខ និងប៉ូលីស ត្រូវបានហៅឲ្យចូលមក ហើយរបាយការណ៍ត្រូវបានធ្វើឡើង ខណៈអ្នកបើកបរយន្តហោះ និងសមាជិករបស់ពួកគេ បានប្រកាសថា ជើងហោះហើរពុំមានសុវត្ថិភាពហោះហើរ រហូតដល់បុរសនោះត្រូវបាននាំចុះពីយន្តហោះ» ។
បន្ទាប់ពីបុរសនោះត្រូវដកចេញ សមាជិកអាកាសយានិក បានប្រាប់ Mokhtar និងដៃគូរបស់គាត់ថា មានអង្គការសហប្រយោជន៍មួយ ដែលកំពុងទម្លាប់ធ្វើការងារបែបនេះក្នុងផ្នែកជំនួញ ជាពិសេសនៅលើជើងហោះហើរចិន, ហុងកុង និងវៀតណាម ។
បុរសនោះត្រូវបានរកឃើញថាមកពីហុងកុង ហើយគាត់កំពុងហោះហើរទៅកាន់ទីក្រុងគូឡាឡាំពួ ដោយពុំមានសំបុត្រវិលត្រឡប់នោះទេ! Mokhtar បានជឿថា ផ្លូវរបស់គាត់ពឹងផ្នែកទៅលើបរិមាណនៃការលួចប្លន់ ដែលគាត់នឹងត្រូវរួចផុតពីការដាក់ទណ្ឌកម្ម ប្រសិនបើគាត់ធ្វើបានជោគជ័យ ៕
លោក Mokhtar បានទទួចដល់អ្នកដទៃ ឲ្យរក្សាការឃ្លាំមើលទ្រពសម្បតិ្តរបស់ពួកគេ ដែលសូម្បីតែនៅក្នុងថ្នាក់ជំនួញ ព្រោះតែបទពិសោធន៍របស់គាត់បានជួបប្រទះ ៕ ឧត្តម (Worldofbuzz)
