សម្ព័ន្ធក្រុមហ៊ុនបច្ចេកវិជ្ជាយក្សបានរងការចោទប្រកាន់ពីបទលួចតានដានទីតាំងអ្នកប្រើប្រាស់សេវានេះ រួមទាំងគេបានបិទ មុខងារបង្ហាញទីតាំង។
តាមរ៉យទ័រនៅថ្ងៃទី២១ខែសីហានេះ លោកNapoleon Patacsil នៅអាមេរិកបានដាក់ពាក្យប្ដឹងក្រុមហ៊ុនGoogleពីបទ លួចតាមដានទីតាំងរបស់អតិថិជនរាប់លាននាក់ដែលប្រើទូរស័ព្ទ iPhone និង Android ក្នុងពេលដែលពួកគេបានបិទ«មុខងារ ប្រវត្តិសាស្ដ្រទីតាំង»។
តាមពាក្យបណ្ដឹងត្រូវបានប្រគល់ជូនតុលាការសម្ព័ន្ធនៅកាលីហ្វ័រញ៉ា លោកPatacsil ចង់តំណាងឱ្យអ្នកប្រើប្រាស់ទូរស័ព្ទនៅអាមេរិករងការតាមដានអំពីទីតាំងរបស់ខ្លួនដោយខុសច្បាប់ពីសំណាក់Google។
ខ្លឹមសារបណ្ដឹងចោទប្រកាន់ថា Google បានសន្យាជាមួយអ្នកប្រើប្រាស់ថាពួកគេពុំបានត្រូវតានដានអំពីទីតាំងប្រសិនបើ ពួកគេបិទមុខងារ«ប្រវត្ដិសាស្ដ្រ»នៅលើទូរស័ព្ទ។ ប៉ុន្ដែទីតាំងរបស់អ្នកប្រើប្រាស់នៅតែត្រូវបានGoogle ដូនឡូតកត់ត្រាទុក។
លោកPatacsil ឱ្យដឹងថាGoogle បានឃ្លាំមើលដោយខុសច្បាប់លើទូរស័ព្ទដែលដើរដោយកម្មវិធីAndroid រួចបន្ទាប់មកចាប់ផ្ដើមធ្វើចំពោះទាំងទូរស័ព្ទប្រើកម្មវិធីIOS, ក្រោយពេលដែលលោកដូនឡូតយកកម្មវិធីមួយចំនួនរបស់Google។
លោកចោទប្រកាន់Googleមានគោលការណ៍«លួចតាមដាន»អ្នកប្រើប្រាស់ ហើយថែមទាំងទុកឱ្យភាគីទីបីធ្វើការតាមដានថែមទៀត។
បច្ចុប្បន្នលើមាតិកា«ជំនួយ»របស់គេហទំព័រ Googleឱ្យដឹងថា ការបិទ«ប្រវត្តិសាស្ដ្រទីតាំង»នឹងមិនឥទ្ធិពលដល់បណ្ដា សេវាកំណត់ទីតាំងផ្សេងទៀតលើទូរស័ព្ទ ហើយទិន្នន័យទីតាំងមួយចំនួនអាចរក្សាទុកក្នុងសេវាដទៃទៀតដូចជា៖ «ស្វែងរក»និងផែនទី៕
សូយន
