ទោះបីជាក្រុមហ៊ុនចិនមួយនេះបកស្រាយថា ឆ្កែគឺជាសត្វរត់លឿន ហើយទុកចិត្ដក្ដី ប៉ុន្ដែអ្នកបើកបរជាច្រើនមានអារម្មណ៍ថាអាម៉ាស់នៅពេលប្រាប់គេពីឈ្មោះក្រុមហ៊ុនដែលខ្លូនធ្វើការ។
តាមSouth China Morning Post ផ្សាយថ្ងៃទី២១ខែសីហាឱ្យដឹងថា មានអ្នកបើកបរចិនជាច្រើនមានអារម្មណ៍ខឹងសម្បា យ៉ាងខ្លាំងបន្ទាប់ពីត្រូវអតិថិជននិយាយបង្អាប់ ព្រោះតែក្រុមហ៊ុនរបស់ខ្លួនបានប្ដូរឈ្មោះថ្មីដោយមានពាក្យថា…ឆ្កែ។
បន្ទាប់ពីក្រុមហ៊ុន Soyun 58 បានប្ដូរឈ្មោះទៅជា«ស្រណក់លឿន» កាលពីសប្ដាហ៍មុននៅលើបណ្ដាញសង្គម គេឃើញមានឃ្លីបមួយចំនួនរបស់ក្រុមអ្នកបើកបរកំពុងធ្វើបាតុកម្មនៅមុខក្រុមហ៊ុន នាទីក្រុងZhengzhou ខេត្ត Henan ។
ក្រុមអ្នកបើកបរនោះបានសរសេរពាក្យស្លោកថា ៖យើងខ្ញុំត្រូវការកិត្តិយស! យើងខ្ញុំពុំមែនជាឆ្កែទេ។
ក្រុមអ្នកបើកបរទាំងនោះនូវបានឱ្យដឹងថា គ្រាដែលអតិថិជនក្រុមហ៊ុនប្រើប្រាស់សេវានេះ ច្រើនសរសេរនូវពាក្យមាក់ងាយ ជាអាទិ៍ប្រញាប់បញ្ជូនឆ្កែមួយក្បាលមកដឹកទំនិញឱ្យខ្ញុំ។ ជាការឆ្លើយតប ក្រុមហ៊ុននេះបានធ្វើសេចក្ដីប្រកាសថា ឆ្កែលឿនគ្រាន់តែជាឈ្មោះប្រតិបត្ដិការផ្ដល់សេវាដឹកជញ្ជូនទំនិញ រើផ្ទះ និងប្រគល់ទំនិញ វាពុំមានអត្ថន័យអសកម្មណាមួយទេ។ យើងខ្ញុំប្រើឈ្មោះនេះគ្រាន់តែដើម្បីឱ្យអតិថិជនបានដឹងពីភាពរហ័សរហួននិងគួរឱ្យជឿទុកចិត្តរបស់សេវាកម្មក្រុមហ៊ុន។
គួរកត់សម្គាល់ថា«ឆ្កែលឿន»បច្ចុប្បន្នមានអ្នកចុះបញ្ជីធ្វើសេវានេះដល់ទៅជាង១លាននាក់ ហើយពួកគេមានអតិថិជនជិត ៨លាននាក់នៅទ្វីបអាស៊ី ក្នុងនោះមានសិង្ហបុរី កូរ៉េខាងត្បូងនិងឥណ្ឌា៕
លីសា