នារីអាយុ ២១ ឆ្នាំ ម្នាក់មកពីទីក្រុង Heilongjiang (ចិន) ព្រោះតែចង់បានរូបរាងស្វែល ដូច្នេះ នាងក៏បានសម្រេចចិត្តបង្អត់អាហារខ្លួនឯងអស់រយៈពេល ៣ ឆ្នាំ ដែលទីបំផុត បណ្តាលឲ្យកោសិកាខួរក្បាលរបស់នាង ត្រូវដុនដាបយ៉ាងខ្លាំង ដែលវាប្រៀបដូចនឹងខួរក្បាលរបស់មនុស្សអាយុ ៦០ ឆ្នាំ ។
យោងតាម Apple Daily នារីម្នាក់នេះដែលមានឈ្មោះថា Xiao Qian មានកម្ពស់ ១,៦៧ ម៉ែត្រ និងទម្ងន់ ៥៥ គ.ក្រ នៅពេលនាងមានអាយុ ១៨ ឆ្នាំ កាលពី៣ឆ្នាំមុន ។ ទោះយ៉ាងណា ការសម្រេចចិត្តបន្តជាមួយកម្មវិធីតមអាហារយ៉ាងខ្លាំងនេះ បានចាប់ផ្តើម នៅពេលដែលម្នាក់ក្នុងចំណោមអ្នកពិគ្រោះយោបល់នៅសយនដ្ឋានរបស់នាង បានធ្វើការចំអកបែបមើលងាយ និងនិយាយថា Xiao Qian ហាក់ដូចបានឡើងទម្ងន់កាលពីពេលថ្មីៗនេះ ។
ប៉ុន្តែ នាងពុំបានជ្រើសរើសបញ្ចុះទម្ងន់នៅក្នុងលក្ខណៈប្រកបដោយសុខភាពល្អទេ និងផ្ទុយទៅមកវិញ នាងបានចាប់ផ្តើមប្រើប្រាស់ភេសជ្ជៈជំនួសអាហារ និងផលិតផលសម្រកទម្ងន់ដទៃទៀត ដូច្នេះ នាងអាចទទួលរូបរាងស្គមយ៉ាងលឿន ។ នាងក៏បានសម្រេចចិត្តកាត់បន្ថយចំណីអាហាររបស់នាង ហើយគ្រាន់តែញ៉ាំអាហារមួយពេលក្នុងថ្ងៃប៉ុណ្ណោះ ។
Xiao Qian ពិតជាសប្បាយចិត្តយ៉ាងខ្លាំង នៅពេលនាងចាប់ផ្តើមស្រកទម្ងន់ ហើយប្រការនេះបានលើកទឹកចិត្តនាងឲ្យបន្តជាមួយវិធីតមអាហារទៀត ។ ប៉ុន្តែ នាងមិនសប្បាយចិត្តនោះទេ នៅពេលដែលនាងត្រូវបានបង្ខំឲ្យញ៉ាំអាហារ ។
ទោះយ៉ាងណា បន្ទាប់ពីរយៈពេល ៣ ឆ្នាំ នៃការតមអាហារដ៏ឆ្កួតៗនេះ Xiao Qian បានគ្រប់គ្រងស្រកទម្ងន់ ៣០ គ.ក្រ ដែលមានន័យថា ទម្ងន់របស់នាងធ្លាក់ចុះរហូតត្រឹមតែ ២៥ គ.ក្រ ។ ពិតមែនហើយ ការមានទម្ងន់មិនល្អបែបនេះ នាងបានចាប់ផ្តើមជួបប្រទះនូវបញ្ហាជាច្រើន ដែលរួមទាំងការរីករាលរោគសញ្ញាលើរាងកាយរបស់នាង, គ្មានកម្លាំងដើរ, មានស្លាកស្នាមជាំលើរាងកាយ និងរបួសច្រើនលើកជើងរបស់នាង ។
ម្តាយរបស់នាងមានការស្លុតរន្ធត់យ៉ាងខ្លាំង នៅពេលនាងបានដឹងថា ស្ថានភាពកូនស្រីរបស់នាងអាក្រក់ខ្លាំងបែបនេះ ហើយខណៈដែលសុខភាពរបស់ Xiao Qian ខ្សោយកាន់តែខ្លាំងទៅៗ ម្តាយរបស់នាងបានថតរូបរបស់កូនស្រីជាច្រើន និងផ្ញើឲ្យគ្រូពេទ្យពិនិត្យមើល ។ នៅពេលគ្រូពេទ្យឃើញរូបភាពទាំងនោះ គាត់បានស្នើរម្តាយនាំយក Xiao Qian មកកាន់មន្ទីរពេទ្យ នៅថ្ងៃទី២៧ ឧសភា ទីកន្លែងដែលនាងត្រូវបានវិនិច្ឆ័យជាមួយរោគសញ្ញាភាពស្គមរីងរៃដោយការខ្វះអាហារយូរអង្វែង និងខ្វះអាហារូបត្ថម្ភធ្ងន់ធ្ងរ ខណៈសរីរាង្គរបស់នាងមិនដំណើរការល្អ ៕ ចន្ទី (Worldofbuzz)