ក្នុងដំណើរចុះទស្សនកិច្ចជាមួយសមាជិករដ្ឋាភិបាលកាលពីថ្ងៃទី ២០ ខែសីហា នាយករដ្ឋមន្ត្រីថៃប្រាយុទ្ធ ចាន់អូចារ បានឈៀងចូលកំពង់ផែសមុទ្រមួយនៅជិតរដ្ឋធានីបាងកក ហើយងចៃដន្យបានជួបនឹងបុគ្គលិកស្រីម្នាក់ធ្វើការនៅទីនោះ មានឈ្មោះយីងឡាក់ ។
អតីតនាយរដ្ឋមន្ត្រីថៃ យីងឡាក់ ស៊ីណាវ៉ាត្រា ។
ក្នុងពេលសន្ទនាជាមួយនារីរូបនេះ លោកបានធ្វើឲ្យអ្នកផងមានការស្រឡាំងកាំង គ្រាពោលថា ៖ “យីងឡាក់ ។ ឈ្មោះពិរោះ ហើយក៏ជាឈ្មោះរបស់នាយករដ្ឋមន្ត្រីណា៎! ។ សង្ឃឹមថានាងមិនធ្វើអ្វីខុសឆ្គង ។
វេលាយប់ថ្ងៃទី ២១ ខែសីហា អតីនាយករដ្ឋមន្ត្រីយីងឡាក់ ស៊ីណាវ៉ាត្រា បានមានប្រតិកម្មដ៏កម្រវិញថា តាមរយៈ Twitter ថា ៖ “លោកនៅចាំឈ្មោះយីងឡាក់ដែរឬ ឯកឧត្តមអគ្គបញ្ជាការកងទ័ព?” ។
នេះជាប្រតិកម្មលើកទី១ របស់អ្នកស្រីយីងឡាក់ សំដៅបង្ហាញឥរិយាបថ ជាមួយនាយករដ្ឋមន្ត្រីប្រាយុទ្ធ គិតចាប់ពីពេលរត់គេចខ្លួនចេញផុតពីប្រទេសថៃ កាលពីខែសីហា ឆ្នាំ ២០១៧ ។ នៅថ្ងៃទី ២១ ខែសីហានេះដែរ មេធាវីតំណាងអ្នកស្រីយីងឡាក់ បានធ្វើបណ្តឹងជាច្រើនប្រឆាំងនឹងគណនីសង្គម ដែលយកឈ្មោះអ្នកស្រីដើម្បីឆបោក អំពាវនាវអង្គាសប្រាក់តាមរយៈប្រព័ន្ធអ៊ីនធើណេត ៕ ចន្ទ្រា