នៅថ្ងៃទី២២ខែសីហា ក្រសួងការពារជាតិកូរ៉េខាងត្បូងប្រកាសថា គេបានសម្រេចចិត្ដអូសបន្លាយកិច្ចព្រមព្រៀងចែករម្លែក ព័ត៌មានចារកម្មយោធាជាមួយជប៉ុនបន្ថែមមួយឆ្នាំទៀត បំណងជំរុញកិច្ចសហប្រតិបត្ដិការស្រាវជ្រាវការរំសាយនុយក្លេអ៊ែររបស់កូរ៉េខាងជើងនិងសន្ដិភាពក្នុងតំបន់។
ភាគីទាំងសងខាងបានចុះហត្ថលេខាលើកិច្ចព្រមព្រៀងព័ត៌មានសន្ដិសុខយោធារួម(GSOMIA) កាលពីខែវិច្ឆិកា ឆ្នាំ២០១៦។កិច្ចព្រមព្រៀងនេះនឹងអូសបន្លាយដោយស្វ័យប្រវត្តិ ប្រសិនបើគ្មានភាគីណាមួយសម្រេចបញ្ចប់មុនពេលផុតកាលបរិច្ឆេទ៩០ថ្ងៃ។
មន្ដ្រីក្រសួងការពារជាតិកូរ៉េខាងត្បូងម្នាក់និយាយថា ការផ្លាស់ប្ដូរជាយុទ្ធសាស្ដ្ររវាងក្រុងសេអ៊ូលនិងក្រុងតូក្យូជាការចាំបាច់ សម្រាប់ដំណើរការរំសាយនុយក្លេអ៊ែរកូរ៉េខាងជើងនិងសន្ដិភាពក្នុងតំបន់៕
លីសា