តាមReuters នៅថ្ងៃទី២២សីហា ឱ្យដឹងថា ប៉ូលិសថៃបានរឹបអូសគ្រឿងញៀនជាង១៤លានគ្រាប់ដែលមានតម្លៃប្រមាណ១,៤៨ពាន់លានបាត ដែលត្រៀមដឹកជញ្ជូនចេញទៅកាន់ប្រទេសម៉ាឡេស៊ីនិងកន្លែងមួយចំនួនទៀត។
សមត្ថកិច្ចថៃឱ្យដឹងថា គ្រឿងញៀនទាំងនេះមានពណ៌ទឹកក្រូច ដែលគេច្រើនហៅថា «yaba»ឬ«ថ្នាំឆ្កូត»ត្រូវបានរកឃើញនៅ ខេត្ដ Ayutthaya ទីក្រុងបាងកក។
ទំនិញទាំងនេះត្រូវបាននាំចូលពីរដ្ឋ Shan នៅតំបន់ឦសានភូមា ហើយជនជាតិថៃ៣រូបបានត្រូវចាប់ខ្លួន។
Reuters បានដកស្រង់សម្ដីឧត្តមសេនីយ៍ទោSommai Kongvisaisuk, មេបញ្ជាការនាយកដ្ឋានកម្ចាត់គ្រឿងញៀនជាតិ (NSB) ឱ្យដឹងថា ចំនួនគ្រឿងញៀនទាំងនេះកំពុងដឹកជញ្ជូនទៅកាន់ប្រទេសម៉ាឡេស៊ី មុនពេលវាត្រូវបានចែកចាយពាសពេញពិភពលោក។
ឧត្ដមសេនីយ៍ទោរូបនេះឱ្យដឹងបន្ថែមថា គ្រឿងញៀនខាងលើនឹងត្រូវបានចែកចាយនៅទ្វីបអឺរ៉ុប ទ្វីបអាមេរិក អូស្ដ្រាលី ជប៉ុនសិង្ហបុរីនិងកូរ៉េខាងត្បូង៕
សូយន