បុរាណវិទូប៊ុលហ្គារីទើបរកឃើញឃ្លាំងទ្រព្យដែលផ្ទុកវត្ថុមានតម្លៃចំនួន៩៥៧មុខ នៅប៉មKaliakra នាឆ្នេរសមុទ្រខ្មៅ។
ក្នុងរបាយការណ៍ចុះថ្ងៃទី២២សីហា សារមន្ទីរប្រវត្តិសាស្ដ្រជាតិប៊ុលហ្គារីឱ្យដឹងថា ឃ្លាំងទ្រព្យខាងលើមានផ្ទុកកាក់ធ្វើពីប្រាក់៨៧៣និងកាក់ធ្វើអំពីមាស២៨«ដ៏មានតម្លៃ» ពីរជ្ជកាលនៃចក្រពត្ដិOttoman និងចក្រពត្ដិប៊ុលហ្គារី នាពាក់កណ្ដាលសតវត្សទី១៤ ។
ក្នុងឃ្លាំងទ្រព្យនោះក៏នៅមានកាក់សេនចំនួន២២ធ្វើអំពីប្រាក់និងស្ពាន់ ក្រវិលចំនួន១១ ចិញ្ចៀន២ និងវត្ថុមានតម្លៃផ្សេងទៀត។
ក្រុមបុរាណវិទូបានរកឃើញឃ្លាំងទ្រព្យនេះកាលពីថ្ងៃទី១៧សីហាកន្លងមក ខណៈពេលពួកគេធ្វើកំណាយបន្ទប់មួយ ដែលរងអគ្គិភ័យឆេះខ្ទេចនៅអំឡុងចុងសតវត្សទី១៤ ។
មុននោះពួកអ្នកវិទ្យាសាស្ដ្រធ្វើកំណាយវិទ្យានៅប៉មនោះអស់រយៈពេល១៥ឆ្នាំមកហើយ។មុននោះពួកគេធ្លាប់រកឃើញកំណប់ ២កន្លែងដែលមានបរិមាណវត្ថុតិចជាង៕
លីសា
