ប្រធានាធិបតីហ្វីលីពីន Rodrigo Duterte បានកើតក្ដីមន្ទិលសង្ស័យថាចារកម្មអាមេរិកកំពុងលួចស្ដាប់ខ្លូនតាមទូរស័ព្ទ ហើយថាគេកំពុងប៉ងសម្លាប់លោក។
តាមស្ថានីយ ABS-CBN នៅថ្ងៃទី២២ខែសីហា បានដកស្រង់សម្ដីរបស់ប្រធានាធិបតីហ្វីលីពីន និយាយក្នុងព្រឹត្ដិការណ៍មួយនៅទីក្រុងCebu ថា ខ្ញុំដឹង អាមេរិកកំពុងលួចស្ដាប់ខ្ញុំ ហើយក៏ជា«ឃាតករនឹងសម្លាប់ខ្ញុំ»។
លោកDuterte នូវបានសង្ស័យថា ក្រៅពីអាមេរិក ក៏នៅមាន«រុស្ស៊ី ចិន អ៊ីស្រាអែល ហើយអាចទាំងឥណ្ឌូណេស៊ីផង កំពុងលួចស្ដាប់ទូរស័ព្ទរបស់ខ្លួន។
ប្រធានាធិបតីរូបនេះឱ្យដឹងទៀតថា បណ្ដាទីប្រឹក្សាសន្ដិសុខបានដាស់តឿនលោកកុំឱ្យប្រើទូរស័ព្ទឆ្លាតវៃទៀត ព្រោះវាងាយត្រូវបានគេលួចស្ដាប់។គប្បីប្ដូរទៅប្រើទូរស័ព្ទដែលមានមុខងារសាមញ្ញៗប៉ុណ្ណោះ។
មេដឹកនាំវ័យ៧៣ ឆ្នាំរូបនេះសារភាពថា ខ្លួនពុំមែនជាអ្នកនិយមបច្ចេកវិជ្ជាទំនើបទេ។លោកថែមទាំងឱ្យដឹងថា មានម្ដងនោះលោកបានផ្ញើសារទៅឱ្យមនុស្សក្នុងបញ្ជីឈ្មោះដែលប្រើប្រតិបត្ដិការ Viberទាំងអស់តែម្ដង។
មេដឹកនាំរូបនេះមិនតិចដងទេតែងនិយាយថា CIA កំពុងរកវិធីសម្លាប់ខ្លួន ក្នុងបរិបទដែលទំនាក់ទំនងកាន់តែអាក្រក់ រវាងក្រុងម៉ានីលនិងវ៉ាស៊ីនតោន។កាលពីថ្ងៃសុក្រសប្ដាហ៍មុន លោកនូវបានបន្ដសង្ស័យថា«CIA ចង់ឱ្យខ្ញុំស្លាប់»៕
សូយន
