មន្ត្រីនៃទីក្រុង Guadalajaran Mexico សង្ឃឹមថា ការធ្វើឲ្យស្របច្បាប់នូវបញ្ហា Sex នាទីសាធារណៈ នឹងជួយឲ្យប៉ូលិសប្រមូលផ្តុំគិតគូរពីរឿងឧក្រិដ្ឋកម្មធំៗជាងនោះ ។
គូស្នេហ៍២រូបកំពុងថើបវក់វីលើឡានក្រុង ។
ទីក្រុង Guadalajaran កាលពីសប្តាហ៍មុនទើបអនុម័តច្បាប់អនុញ្ញាតឲ្យទំនាក់ទំនងផ្លូវភេទ ឬបង្ហាញផ្នែក “រំញោច” នៃរាងកាយនៅទីសាធារណៈបាន កុំឲ្យតែមានអ្នកប្តឹងប្តល់ ។
តាម Independent ក្រុមប្រឹក្សាទីក្រុងនេះ កំណត់ថា ៖ “ការរួមភេទ ឬទង្វើបង្ហាញកេរ្តិ៍ភេទនៅទីសាធារណៈ ទីវាល ចំណតរថយន្តឬទីកន្លែងឯកជន ដែលអ្នកដទៃសម្លឹងឃើញត្រូវបានចាត់ទុកជាទង្វើបំពានទោសរដ្ឋបាល ប្រសិនបើមានពលរដ្ឋណាម្នាក់ស្នើសុំឲ្យប៉ូលិសអន្តរាគមន៍ “។
ដើមហេតុនៃរឿងនេះ ផ្តើមចេញពីការស៊ើបអង្កេតមួយបង្ហាញថា និស្សិតប្រមាណ 90% បានត្រូវប៉ូលិស “គោះលុយ” ដោយចោទប្រកាន់ពីទង្វើខ្វះសីលធម៌ទាក់ទងដល់បញ្ហាផ្លូវភេទ ។
កំណែទម្រង់ខាងលើ ក៏នឹងធ្វើឲ្យប៉ូលិសប្រមូលផ្តុំអារម្មណ៍លើការប្រឆាំងជាមួយពួកឧក្រិដ្ឋជនធ្ងន់ធ្ងរ…ជាងនេះ ។ យ៉ាងណាក្តីក៏ក្រុមប្រឹក្សាទីក្រុងរងការរិះគន់ពីសំណាក់មជ្ឈដ្ឋានខ្លះ ដោយគេលើកឡើងថា ហេតុអ្វីទីក្រុងនេះប្រមូលផ្តុំទៅលើការលុបបំបាត់អំពើពុករលួយក្នុងកងកម្លាំងមានសមត្ថកិច្ច!? ។
ម្យ៉ាងទៀតការកែច្បាប់បែបនេះវានឹងបង្កលក្ខណៈដល់ពួករំខានយាយីផ្លូវភេទ មានឱកាសប្រព្រឹត្តអំពើពុំគប្បីចំពោះជនរងគ្រោះ ។
Mexico ពុំមែនជាប្រទេសទី១ដែលអនុញ្ញាតឲ្យមានរឿងបែបនេះទេ ។ ១០ឆ្នាំហើយដែលរមនីយដ្ឋានល្បីល្បាញ Vondelpark របស់ហូឡង់ បានអនុញ្ញាតឲ្យគូស្នេហ៍អាចរួមភេទបាននៅកណ្តាលវា គ្រាន់តែទាមទារឲ្យពួកគេត្រូវរក្សាជំហស្អាតស្អំ ចៀសឆ្ងាយពីកន្លែងមានក្មេងៗ ហើយប្រសិនបើឮស្នូរខ្លាំងពេកទើបប៉ូលិសមានសិទ្ធិដេញពីកន្លែងនោះ ៕ ចន្ទ្រា
