បុរសសញ្ជាតិអាមេរិករូបនេះសង្ឃឹមថា អាចបន្តមានគភ៌ទៀត តែប្រសិនបើជោគជ័យមែននោះ ម្តងនេះគាត់ត្រូវបង្កើតកូនដោយការវះកាត់ ព្រោះតែបានប្តូរប្រដាប់ភេទមកជា… បុរសវិញហើយ ។
Thomas រួមនឹងភរិយាទី ២ Amber Nicholas និងកូនប្រុសបង្ហាញវត្តមានលើស្ថានីយ៍ទូរទស្សន៍ពីថ្ងៃទី ២០ ខែសីហា ។
តាម The Sun Thomas Beatie អាយុ ៤៤ឆ្នាំ ជានារីដែលបានប្តូរភេទទៅជាបុរស រស់នៅទីក្រុង Phoenix រដ្ឋ Arizona ធ្លាប់បានធ្វើឲ្យពិភពលោកភ្ញាក់ផ្អើល កាលពីឆ្នាំ ២០០៧ បន្ទាប់ពីគាត់បង្ហាញរូបភាពឈរឱបផ្ទៃពោះ មានពុកមាត់ពីបណ្តាញសង្គម ។ ពេលនោះ Thomas បានវះកាត់ប្តូរភេទ តែនៅរក្សាប្រដាប់ភេទនារី ។
ក្រោយពេលរៀបការ Nancy ភរិយារបស់ Thomas ពុំអាចបង្កើតកូនបានទើបបុរសនេះសម្រេចចិត្តពរពោះជំនួសប្រពន្ធ ។ ក្រោយការសម្រាលកូនយ៉ាងរលូន ២លើក នៅឆ្នាំ ២០០៨ និង ២០០៩ , Thomas សម្រេចចិត្តបង្កើតកូនទី៣ នៅឆ្នាំ ២០១០ ។
ប៉ុន្តែនៅឆ្នាំ ២០១២ គូស្វាមីភរិយានេះ បានលែងលះគ្នា ហើយក្រោយមកគាត់បានរៀបការជាមួយ Amber ។
រូបភាពដែលធ្លាប់បង្កការជជែកតឹងសរសៃក នាឆ្នាំ ២០០៧ ។
បច្ចុប្បន្ន ១១ឆ្នាំក្រោយពេលធ្វើឲ្យពិភពលោកចាប់អារម្មណ៍ Thomas សារភាពប្រាប់ This Morning ថា គាត់ចិញ្ចឹមចិត្តចង់បង្កើតកូនទៀត ។
លោកបានពោលប្រាប់កម្មវិធីទូរទស្សន៍នេះថា ៖ “បើសិនជាអាចខ្ញុំនឹងបន្តបង្កើតកូន ។ ប្តីប្រពន្ធខ្ញុំនៅបង្កទុកអំប្រ៊ីយ៉ុង តាំងពីមានគភ៌ Jackson ប្រពន្ធខ្ញុំនិយាយថា បើចង់បង្កើតកូនខ្ញុំធ្វើខ្លួនឯងទៅ !” ។
ក្នុងកម្មវិធីពេលនោះ Amber បានបែរមក Thomas និយាយបន្តប្រយោគថា ៖ “បងអាចបង្កើតកូន ១០នាក់បានតើ!” ។
ប៉ុន្តែប្រសិនបើមានគភ៌លើកទី ៤ Thomas ត្រូវសម្រាលកូនដោយវះកាត់ ព្រោះតាំងពីកើតកូនទី៣ មកលោកបានវះកាត់ “បដិសន្ធិលិង្គ” រួចហើយ ។
ក្នុងកម្មវិធីទូរទស្សន៍ This Morning របស់ ITV នេះ ប្តីប្រពន្ធទាំង២នាក់ ឲ្យដឹងថា ជីវភាពរបស់ពួកគេ ប្រហែលជា “ពិសេស បន្លែកពីធម្មតា” តែយ៉ាងណាក៏គ្រួសារខ្លួនដូចគ្រួសារដទៃដែរ ។
បីកូនបណ្តើរ Amber អាយុ ៤៨ឆ្នាំ ពោលបណ្តើរថា ៖ “យើងខ្ញុំ ជាគ្រួសារធម្មតា ទំនៀមទម្លាប់ដូចគេឯង ។
ចំពោះរូបភាពមានគភ៌ ដែលទម្លាយចេញនៅឆ្នាំ ២០០៧ , Thomas ប្រាប់ថា លោកពុំមានអារម្មណ៍ស្តាយក្រោយ គ្រាបើកចំបររឿងឯកជនទេ ព្រោះរូបភាពនោះ វាពុំមែនជាប្រការត្រូវលាក់បាំងទេ វាជាប្រការធ្វើឲ្យខ្ញុំមានមោទនភាព! ៕ ចន្ទ្រា