រដ្ឋាភិបាលឥណ្ឌាបានរងការរិះគន់យ៉ាងខ្លាំងក្លា ព្រោះតែប្រកាសមិនទទួលជំនួយបរទេសដែលជួយពលរដ្ឋរងគ្រោះដោយទឹក ជំនន់នៅរដ្ឋ Kerala ។
ភ្លៀងដ៏ធំបានបង្កជាទឹកជំនន់យ៉ាងធ្ងន់ធ្ងរនៅរដ្ឋKerala តាំងពីថ្ងៃទី៨សីហាមកទល់ពេលនេះ បណ្ដាលឱ្យមនុស្សយ៉ាងតិច២៣១ នាក់ស្លាប់ ផ្ទះរាប់ម៉ឺនខ្នងត្រូវលិចលង់ ផ្លូវថ្នល់រងការបំផ្លិចបំផ្លាញយ៉ាងធ្ងន់ធ្ងរ។ ការខូចខាតអស់ប្រមាណ២០០ពាន់លាន rupee (២,៨៥ពាន់លានដុល្លារ)។
ទឹកជំនន់ត្រូវស្រកចុះបន្ដិចម្ដងៗកាលពីចុងសប្ដាហ៍កន្លងមក ហើយរដ្ឋការនៃរដ្ឋរងគ្រោះនេះកំពុងប្រមូលផ្ដុំក្នុងការងារ សង្គ្រោះនិងស្ដារស្ថានការណ៍ឡើវិញ។រដ្ឋាភិបាលរបស់នាយករដ្ឋមន្ដ្រីNarendra Modi បានប្រកាសពីកញ្ចប់ជំនួយដល់ ជនរងគ្រោះ៦០០០លានrupee តិចជាងយ៉ាងច្រើនប្រៀបទៅនឹងសំណូមពរយ៉ាងតិច២០ពាន់លានrupee របស់រដ្ឋអំណាច Kerala ។
នាយករដ្ឋមន្ដ្រី Modi សន្យាថានឹងមានជំនួយបន្ថែម ហើយក្រោយមកក្រសួងមហាផ្ទៃបានប្រកាសថានឹងដោះស្រាយបញ្ហា ក្នុងស្រុកនេះដោយពុំត្រូវការជំនួយបរទេស។
ក្រសួងការបរទេសនូវបានប្រកាសថា រដ្ឋាភិបាលឥណ្ឌាស្វាគមន៍ទទួលយកតែការជួយឧបត្ថម្ភដល់ជនរងគ្រោះពីសំណាក់ ជនជាតិឥណ្ឌានៅក្នុងស្រុកនិងបរទេសតែប៉ុណ្ណោះ។
សេចក្ដីថ្លែងការណ៍នេះត្រូវបានលើកឡើងបន្ទាប់ពី Qatar បានផ្ដើមសំណើជួយឧបត្ថម្ភ១០០លានដុល្លារ ហើយUAE ៥លានដុល្លារ។
ភាគីគណបក្សប្រឆាំងបានថ្កោលទោសយ៉ាងខ្លាំងក្លាចំពោះការសម្រេចចិត្ដមិនទទួលជំនួយបរទេសរបស់រដ្ឋាភិបាលឥណ្ឌា
មុននោះក្រសួងមហាផ្ទៃឥណ្ឌានៅថ្ងៃទី១៦សីហាបញ្ជាក់ថា មានមនុស្សស្លាប់៩០០នាក់ក្នុងរដ្ឋទាំង៩ ហើយក្នុងនោះមានរដ្ឋKerala ផងដែរ៕
សូយន
