Reuters បានដកស្រង់សម្ដីអ្នកនាំពាក្យក្រសួងការបរទេសអាមេរិក នៅថ្ងៃម្សិលមិញនេះឱ្យដឹងថា យើងខ្ញុំពុំមានគម្រោងជួប មេដឹកនាំកូរ៉េខាងជើង Kim ទេ។នេះពុំមែនជាគោលបំណងនៃដំណើរទស្សនកិច្ចខាងមុខឡើយ។
ប្រមុខការទូតអាមេរិកនៅម្សិលមិញនេះដែរ បានតែងតាំងអនុប្រធានទំនាក់ទំនងអន្ដរជាតិរបស់សម្ព័ន្ធក្រុមហ៊ុន Ford ,Stephen Biegun ធ្វើជាបេសកជនពិសេសអាមេរិកនៅកូរ៉េខាងជើង ហើយលោក Pompeo និង Biegun នឹងរួមដំណើរជាមួយគ្នាទៅកាន់ក្រុងព្យុងយ៉ាងនាសប្ដាហ៍ក្រោយ។នេះគឺជាដំណើរទស្សនកិច្ចលើកទី៤ របស់ប្រមុខការទូតអាមេរិក គិតចាប់ពីខែមេសា ខណៈពេលដែលកិច្ចចរចានុយក្លេអ៊ែរវាងអាមេរិកនិងកូរ៉េខាងជើងត្រូវបានវាយតម្លៃថាពុំមានការរីកចម្រើនច្បាស់លាស់៕
សូយន់