កណ្តាល ៖ បុរសម្នាក់ បានបើករថយន្ត យ៉ាងលឿន បានបុកផ្ទាំងប៉ាណូស្រាបៀរ ហើយជ្រុលទៅបុកទ្វារផ្ទះ យីហោ ស្រីនាង បណ្តាលអោយខូចខាតរថយន្ត និងរបួសធ្ងន់ ដែលហេតុការណ៍ភ្ញាក់ផ្អើលនេះ នៅ ថ្ងៃទី២៣ ខែសីហាឆ្នាំ២០១៨ វេលាម៉ោង ០០និង០៥នាទី នៅចំណុចផ្ទះស្រីនាង ផ្លូវ២០៦ ស្ថិតនៅភូមិដើមមៀន សង្កាត់តាខ្មៅ ក្រុងតាខ្មៅ រវាងរថយន្តម៉ាក FORTUNER ពណ៌ស ផ្លាកលេខ ភ្នំពេញ 2AR-7737 អ្នកបើកបរឈ្មោះ ថៃ ប៊ុនរ៉ុង ភេទប្រុស អាយុ ២៦ឆ្នាំ មានទីលំនៅបច្ចុប្បន្ន ភូមិពោធិក្រាម ឃុំត្រើយស្លា ស្រុកស្អាងខេត្តកណ្តាល(របួសធ្ងន់) បានបើកបររថយន្ត ក្នុងទិសដៅពីត្បូងទៅជើង លុះមកដល់ចំណុចខាងលើបានបុកផ្ទាំងប៉ាណូស្រាបៀរ ហើយជ្រុលទៅបុកទ្វារផ្ទះ យីហោ ស្រីនាង បណ្តាលអោយខូចខាតរថយន្ត និងរបួសធ្ងន់ និងត្រូវបានរថយន្តស៊ីរ៉ែនរបស់ស្នងការដ្ឋាននគរបាលខេត្តកណ្តាល ដឹកយកទៅសង្គ្រោះនៅមន្ទីរពេទ្យជ័យជំនះ។
រីឯមធ្យោបាយត្រូវបានសមត្ថកិច្ចជំនាញយកមកអធិការដ្ឋាននគរបាលក្រុងតាខ្មៅ ដើម្បីចាត់ចែងតាមនីតិវិធី។
គរបាលបានបញ្ជាក់មូលហេតុមកពី ៖ ថៃ ប៊ុនរ៉ុង ជាអ្នកបើកបររថយន្តម៉ាក FORTUNER បើកបរខ្វះការប្រុងប្រយ័ត្ន៕ ដោយ៖បញ្ញាស័ក្តិ