មន្ទីរបញ្ចកោណកាលពីម្សិលមិញនេះឱ្យដឹងថា កងទ័ពអាមេរិកបានទទួលជោគជ័យក្នុងការសាកល្បងយន្ដហោះ«អន្ទាក់នុយ»ជំនាន់ថ្មីមានឈ្មោះថាMALD-Xដែលមាន សមត្ថភាពបង្កការរំខាននិងបញ្ឆោតប្រព័ន្ធការពារដែនអាកាសរបស់សត្រូវ។
តាម AFP ទ័ពអាកាសអាមេរិកបានដំណើរការសាកល្បងការហោះហើរនេះរាប់សិបដងតាំងពីដើមសប្ដាហ៍នារដ្ឋCalifornia។ MALD-X មានភារកិច្ចបង្កើតផ្លូវហោះហើរសាមញ្ញទៅរ៉ាដាដូចគ្នានឹងយន្ដហោះប្រយុទ្ធ គួបផ្សំជាមួយនឹងសមត្ថភាព វាយលុកអេឡិចត្រូនិច វានឹងស្រូបទាញអាវុធការពារដែនអាកាសរបស់សត្រូវ ការពារបានសុវត្ថិភាពដល់យន្ដហោះដែលមានតម្លៃថ្លៃ។
សម្ព័ន្ធក្រុមហ៊ុន Raytheon ដែលជាអ្នកអភិវឌ្ឍគ្រោងការណ៍នេះពីឆ្នាំ២០០៩មកបន្ទាប់ពីទទួលកិច្ចសន្យាមានតម្លៃ៣៥លានដុល្លារពីមន្ទីរបញ្ចកោណ៕
លីសា