ទោះបីជាធ្លាប់បានឆ្លងកាត់ជីវភាព “ហ៊ឺហារ” នៅសេតវិមានក្តី តែបច្ចុប្បន្នប្រធានាធីបតី ៣៩ របស់អាមេរិក បានវិលត្រឡប់មករស់នៅផ្ទះដែលលោកបានសាងសង់តាំងពីឆ្នាំ ១៩៦១ ហើយទិញរបស់របរចាំបាច់សម្រាប់ជីវភាពរស់នៅប្រចាំថ្ងៃ ក្នុងហាងលក់សាមញ្ញមួយឈ្មោះ Dollars General ។
អតីប្រធានាធិបតីអាមេរិក Jimmy Carter ។
ក្រោយពេលបញ្ចប់អណត្តិ ១៩៧៧-១៩៨១ ពេលនេះលោក Jimmy Carter មានអាយុ ៩៤ឆ្នាំហើយ ហើយលោករស់នៅសាមញ្ញដូចជាពលរដ្ឋអាមេរិកដទៃទៀត ។
ផ្ទះដែលលោកស្នាក់នៅក្រោយចាកចេញពីសេតវិមានស្ថិតនៅប្រជុំជន Plains រដ្ឋ Georgia ដែលជាកសិដ្ឋានមួយ មានបន្ទប់ដេក ២ ត្រូវបានកំណត់តម្លៃ ១៦៧.០០០USD -តម្លៃទាបជាង រថពាសដែករបស់ក្រុមសន្តិសុខ សំចតនៅក្រៅផ្ទះរបស់គាត់ទៀត (របបការពាររបស់ប្រធានាធិបតីអាមេរិកក្រោយចូលនិវត្តន៍) ។
ជាមួយនឹងផ្ទះធម្មតាដូច “គេឯង” លោកមានភាពស្និទ្ធស្នាលនឹងអ្នកជិតខាង ហើយច្រើនពិសារអាហារជាមួយពួកគេនៅចុងសប្តាហ៍ ។ ប្តីប្រពន្ធរបស់លោកផលិតយ៉ាអួរ ដោយខ្លួនឯង សម្រាប់បរិភោគ ។
ផ្ទះរបស់លោក Jimmy Carter ។
ពេលត្រូវការទិញសម្លៀកបំពាក់ លោកទៅកាន់ហាង Dollars General នៅក្បែរផ្ទះ ដែលជាហាងលក់ដូររបស់របរតម្លៃសម្រាប់អ្នកមានចំណូលក្រោម 40.000 ដុល្លារ/១ឆ្នាំចុះ ។
ប្រសិនបើត្រូវធ្វើដំណើរទៅឆ្ងាយ លោកជិះយន្តហោះកៅអីតម្លៃធម្មតា ហើយតែងដើរចាប់ដៃស្វាគមន៍អ្នកដំណើរជាមួយក្នុងយន្តហោះ ។
លោកដើរចាប់ដៃអ្នកដំណើរដំណើរលើយន្តហោះក្រុមហ៊ុន Delta ។
ពិតណាស់! លោកមានរបបសោធននិវត្តន៍ សម្រាប់ប្រធានាធិបតី ២១០.៧០០ USD ក្នុង១ឆ្នាំ ហើយក៏មានប្រាក់ចំណាយធ្វើដំណើរ ការិយាល័យ…សរុបទៅគឺជាង ២៣០.០០០ USD /ឆ្នាំ ។
យ៉ាងនេះក្តី លោកមានជីវភាពរស់នៅខុសពីប្រធានាធិបតីអាមេរិកចូលនិវត្តន៍ដទៃទៀត ៕ ចន្ទ្រា