ខេត្តព្រះសីហនុ ៖ លោកឧត្តមសេនីយ៍ត្រីស៊ុន សុផាត ស្នងការរងទទួលផែនប្រឆាំងបទល្មើសគ្រឿងញៀន បានឲ្យដឹងថា កាលពី រសៀលថ្ងៃទី ២៣ ខែសីហា ឆ្នាំ២០១៨ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានបញ្ជាឲ្យនគរបាលប្រឆាំងគ្រឿងញៀនខេត្ត ចុះទៅធ្វើការអប់រំណែនាំ អំពីផលប៉ះពាល់ នៃការសេពគ្រឿងញៀន នៅទីតាំងខារ៉ាអូខេនគរសំរឹទ្ធិ ស្ថិតនៅសង្កាត់លេខ៤ ក្រុងព្រះសីហនុ។
ការអប់រំពីផលប៉ះពាល់ នៃការប្រើប្រាស់គ្រឿងញៀន នៅទីតាំងកម្សាន្តខាងលើនេះ មានបុគ្គលិកបម្រើការងារចំនួន ៨៥នាក់ ប្រុស ២០នាក់បានចូលរួម។ មន្ត្រីនគរបាលជំនាញ បានព្រមាន និងហាមឃាត់ដាច់ខាតមិនឲ្យមានអ្នកប្រើប្រាស់គ្រឿងញៀន៕ ដោយ ៖ ដែន សីមា
