ពេលទៅដល់រដ្ឋធានី Edinburgh របស់ស្កុតលែន នៅជ្រុងម្ខាងទល់មុខសារមន្ទីរជាតិនាវិថីScotlandCandlemaker Row អ្នកនឹងឃើញរូបសំណាករបស់ស្រណក់ Bobby ដែលជាឆ្កែស្មោះត្រង់និងល្បីល្បាញក្នុងប្រវត្ដិសាស្ដ្រទីក្រុងនេះ។
រឿងរ៉ាវបានកើតឡើងតាំងពីជាង១៣០ឆ្នាំមុន ហើយមកទល់បច្ចុប្បន្ននេះគេនៅតំណាលតគ្នាពីចិត្ដស្មោះស្ម័គ្ររបស់ ស្រណក់នេះដែលបាននៅយាមផ្នូរម្ចាស់ជាប្រចាំអស់រយៈ១៤ឆ្នាំ រហូតដល់ពេលវាផុតជីវិតនៅឆ្នាំ១៨៧២។
គេតំណាលថា John Gray ដែលជាម្ចាស់ Bobbyគឺជាប៉ូលិសម្នាក់នៅទីក្រុងEdinburgh ។គាត់តែងបណ្ដើរស្រណក់តូចមួយរៀងរាល់ពេលល្បាតក្នុងពេលយប់ហើយមនោសញ្ចេតនារវាងពួកគេពិតជាស្និទ្ធស្នាលណាស់ រហូតដល់ពេលដែលJohn លាចាកលោកដោយប្រថុចញ៉ុច។នៅវាលស្មសាន Reyfriars Kirkyard កន្លែងដែលបញ្ចុះសព John ស្រណក់Bobby បានធ្វើឱ្យពលរដ្ឋគ្រានោះភ្ញាក់ផ្អើលយ៉ាងខ្លាំង ព្រោះវាពុំព្រមចាកចេញពីផ្នូររបស់ម្ចាស់វា ទោះបីជាអាកាសធាតុក្ដៅ ត្រជាក់យ៉ាងណាក្ដី។មនុស្សជាច្រើនបានស្វែងរកវិធីនាំយកវាទៅផ្ទះ ប៉ុន្ដែសុទ្ធសឹងពុំធ្វើបាន ចុងក្រោយគេក៏យកក្រណាត់មួយ ផ្ទាំងទៅក្រាលក្រោមផ្ទាំងថ្មក្បែរផ្នូរលោកJohn Gray ដើម្បី Bobbyស្នាក់នៅទីនោះ។
ពេលវេលាកន្លងទៅអស់រយៈពេល១៤ឆ្នាំ Bobby រស់នៅបានដោយការដាក់ទានអាហាររបស់អ្នកការពារទីស្មសាននោះ ទោះបីជាមានមនុស្សជាច្រើនចង់នាំយកវាទៅចិញ្ចឹមក្ដីនាអំឡុងពេលក្រោយៗមក ប៉ុន្ដែវាដាច់ខាតមិនព្រមចាកចោលពីផ្នូរ របស់ម្ចាស់រហូតដង្ហើមចុងក្រោយ។
ចិត្តស្មោះត្រង់និងការបូជាកម្លាំងកាយចិត្តរបស់ស្រណក់នេះគឺជាមេរៀនសម្រាប់មនុស្ស។
រឿងរ៉ាវគួរឱ្យរំភើបចិត្ដរបស់Bobby បានរាលដាលពេញតំបន់Edinburgh ក្រោយមករដ្ឋអំណាចនិងប្រជាជនបានសាងសង់រូបសំណាករបស់វាដើម្បីរំលឹកដល់ទឹកចិត្ដស្មោះស្ម័គ្រគ្មានកែប្រែចំពោះម្ចាស់នេះ។នៅពីមុខផ្នូររបស់Bobbyគេឆ្លាក់អក្សរថា Greyfriars Bobby លាចាកលោកថ្ងៃទី១៤ ខែវិច្ឆិកា១៨៧២ អាយុ១៦ឆ្នាំ។ ចិត្ដស្មោះស្ម័គ្រនិងការបរិច្ចាគរបស់វាជាមេរៀនដ៏មានតម្លៃសម្រាប់យើង»៕
លីសា
