ខេត្តស្វាយរៀង៖ ខណៈកំណាត់ផ្លូវលំមួយខ្សែដែលបានស្ថាបនាដោយកងវិស្វកម្មក្នុងស្រុកស្វាយជ្រំចាប់ពីក្បែរសាលាឃុំតាសួសឆ្ពោះមកកាន់មាត់ច្រកទ្វារតំបន់ក្រសាំងជ្រំជាប់និងព្រំដែនវៀតណាមនាពេលបច្ចុប្បន្ននេះបាននឹងកំពុងត្រូវបានបំផ្លាញខូចខ្ទេចខ្ទីស្ទើរតែទាំងស្រុងដែលមានក្រឡុកធំៗមានទឹកដក់( អាចក្លាយទៅជាស្រះចិញ្ចឹមត្រីពូជនាពេលឆាប់ៗខាងមុខ)ខណះដែលមានរថយន្តធុនយក្សដឹកដែកអេតចាយជាច្រើនគ្រឿងក្នុងមួយថ្ងៃៗបាននឹងកំពុងដឹកដែកអេតចាយយ៉ាងសំពីងសំពោងឆ្លងកាត់បានយ៉ាងរលូនសង្ស័យថាមានការបង់លុយកាក់អោយសមត្ថកិច្ចជំនាញអស់ហើយទើបក្រុមក្បួនរថយន្តដឹកអេត ចាយទាំងនោះដឹកបានយ៉ាងរលូូនយ៉ាងដូច្នេះ។
បើតាមពលរដ្ឋរស់នៅតំបន់នោះបានប្រាប់ឲ្យដឹងថា៖កន្លងមកផ្លូវមកកាន់ច្រកតំបន់នេះគឺមានភាពល្អប្រសើរដែលងាយស្រួលក្នុងការធ្វើដំណើរទាំងដឹកកសិផលមកកាន់ទីផ្សារប៉ុន្តែមួយរយះនេះគេសង្កេតឃើញមានការដឹកអេតចាយពីសំណាក់ក្បួនរថយន្តដឹកដែកអេតចាយសម្រុកចេញទាំងយប់ទាំងថ្ងៃមិនខ្វល់ពីការខូចផ្លូវស្អីនោះឡើយសំខាន់អោយតែដឹកបានទៅវាប្រសើរណាស់ទៅហើយ។
ពលរដ្ឋរស់នៅតំបន់នោះបានសំណូមពរដល់ស្ថាប័នជំនាញទាំងអស់ដែលមានការពាក់ព័ន្ធមេត្តាជួយចុះមកមើលផ្លូវមួយនេះផងបើមិនដូច្នេះទេផ្លូវមកកាន់ច្រកតំបន់ក្រសាំងជ្រំនេះកុំថាឡើយជិះម៉ូតូសូម្បីតែជិះកង់មិនរួចផង។ពលរដ្ឋបានលើកឡើងបន្តទៀតថា៖រាល់ការដឹករបស់ក្រុមរថយន្តធុនយក្សនោះបើសិនមានការថ្លឹងត្រឹមត្រូវវាមិនអីនោះទេប៉ុន្តែការដឹករបស់ពួកគាត់មើលទៅហាក់បីដូចមិនធម្មតានោះពោលគឺរថយន្តមានបណ្តោយវែងដាក់ខ្ពស់ផុតដំបូលជិត២ម៉ែត្រឯនោះហើយក៏មានធ្លាក់ដែកអេតចាយទុកបន្សល់អោយអ្នកបើកឡានម៉ូតូកង់ឆ្លងកាត់និងកិនពីលើលេងផងដែរ។
តាមប្រភពពីមន្ត្រីសមត្ថកិច្ចដែលប្រចាំការនៅទីនោះបានអោយដឹងថា៖រថយន្តធុនយក្សទាំងនោះបានសម្រុកចេញមកតាមច្រកតំបន់ក្រសាំងជ្រំនេះបាន២ថ្ងៃហើយដើម្បីសាងទំនិញពីដីខ្មែរចូលដីវៀតណាមហើយក្រុមរថយន្តដឹកអេតចាយទាំងអស់នោះបានបង់អោយសមត្ថកិច្ចជំនាញទាំងអស់ក្នុងនោះមាន៖ប៉ូលិសការពារព្រំដែនក្រសាំងជ្រំចំនួន១៥.០០០រៀល យោធាវរៈការពារព្រំដែនគោកនិងកាំកុងត្រូលចំនួន៥ម៉ឺនរៀលក្នុងមួយឡាន សម្រាប់បាយទឹក ។
ដោយឃើញស្ថានភាពផ្លូវបាននឹងកំពុងរងការខូចខាតដូច្នេះគេសង្កេតឃើញមានកូនចៅរបស់ប្រជាពលរដ្ឋដែលមានទីលំនៅនៅជិតៗនិងផ្លូវបាននាំគ្នាយកចបនិងបង្គីកាប់ដីដាក់បំពេញក្រឡុកផ្លូវដែលខូចទាំងនោះហើយលើកដៃសំពះសុំលុយពីអ្នកធ្វើដំណើរតាមផ្លូវជំនួសឱ្យមន្ត្រីអង្គភាពជំនាញដែលនៅស្ងៀមពុំទាន់អើពើនោះឡើយសង្ស័យកន្ទេលធំបន្លំដេកហើយមើលទៅ? ៕ វ៉ៃកូ