លោក Bharat Tiwari នៅ Madhya Pradesh ប្រទេសឥណ្ឌា ត្រូវបានគេនិយមហៅកាត់ថា “អ្នកគង្វាល Bendy” តាំងពីកំណើតមកពុំដឹងដោយសារមូលហេតុអ្វីឆ្អឹងរបស់គាត់ពត់ពេនគួរឲ្យ…ខ្លាច ។
គ្មានអ្នកណាដឹង មូលហេតុបណ្តាលឲ្យបែបនេះទេ ។
ប៉ុន្តែ Bharat ជឿថា រឿងរ៉ាវចាប់ផ្តើមពីពេលអាយុបាន ៥ឆ្នាំ លោកត្រូវជញ្ជាំងមួយបាក់សង្កត់លើ ។
លោកប្រាប់ថា ៖ ខ្ញុំបែបនេះតាំងពីតូច ហើយពុំប្រាកដថា រឿងរ៉ាវចាប់ផ្តើមបែបណាទេ ។ ខ្ញុំជឿលើអាទិទេព ហើយដឹងថាអ្វីៗផ្តើមចេញពីលោក ។ ខ្ញុំគ្មានជំងឺ ខ្ញុំគ្មានទុក្ខកង្វល់ ដូច្នេះគឺគ្មានបញ្ហាអ្វីទាំងអស់!” ។
វេជ្ជបណ្ឌិតប្រាប់ថា គាត់មានសុខភាពល្អ ។
ទោះបីសភាពនេះធ្វើឲ្យលោកមានការលំបាកយ៉ាងណាក្តី តែលោកអះអាងយ៉ាងមុតមាំថា នេះជា “កាដូរបស់អាទិទេព” ខណៈពេលពលរដ្ឋក្នុងភូមិក៏ជឿថាលោកគឺទេវតាបុព្វកាលបដិសន្ធិសារជាថ្មី ។ ហេតុនេះពុំមានអ្នកណាពេបជ្រាយលោក គេតែងគោរព ហើយប្រគេនលុយដល់គាត់ ។
ឆ្អឹងដៃ និងជើង របស់គាត់កោងវៀចស្ទើពុំជឿបាន ។
ពលរដ្ឋថា គាត់ជាទេវតាមកចាប់ជាតិ ។
យ៉ាងនេះក្តីលោករស់នៅប្រកបដោយសុទិដ្ឋិនិយម គ្មានការតូចចិត្ត តូចថ្លើមអ្វីឡើយ ។ លោកពោល ខ្ញុំអាចដើរបានដូច “មនុស្សធម្មតា” អាចបោកសម្លៀកបំពាក់ ទិញរបស់របរ ចម្អិនអាហារ… ។ល។
ជីវិតរបស់គាត់ ពិតជាសុភមង្គល ដូចគាត់មានប្រសាសន៍?
គាត់ត្រូវបានអ្នកផងគោរព! ៕ ចន្ទ្រា
