ហេតុការណ៍នេះកើតឡើងនៅផ្លូវច្រកភ្នំមួយនាខេត្ត វូណាន ប្រទេសចិន ។ អ្នកបើកបរឈ្មោះ ឆាវសាន កំពុងបើកឡានដឹកភ្ញៀវទេសចរ វិលទៅកាន់ទីក្រុងវិញ ស្រាប់តែថ្ម១ដុំបានរមៀលធ្លាក់ពីលើភ្នំបុកទម្លុះរថយន្ត រួចបោកធ្លាក់លើគាត់ ។ ហេតុការណ៍ស្តែងៗនេះត្រូវបានកាមេរ៉ារថយន្តថត ។
ថ្មភ្នំ១ដុំធំគួរសមបានទម្លុះរថយន្តប៉ះលើខ្លួនគាត់ ។
តាមរយៈវីដេអូ បង្ហាញឲ្យឃើញដុំថ្មនេះបានធ្លាក់ប៉ះខ្លួនគាត់ រួចរមៀលទៅប៉ះស្មា… ។ ហេតុការណ៍កើតឡើងយ៉ាងប្រថុចញ៉ុចពុំអាចមានប្រតិកម្មអ្វីទាន់ឡើយ ប៉ុន្តែអ្នកបើកបររូបនេះ ពិតជាអស្ចារ្យ ដែឡគាត់ពង្រឹងស្មារតីដោយដៃម្ខាងកាន់ចង្កូតបន្តបញ្ជារថយន្ត ហើយដៃម្ខាងទៀតឱពោះ ព្រោះឃ្លីងឃ្លោង ។
ខណៈពេលដែលដុំថ្មធ្លាក់ចំអ្នកបើកបរ
អ្នកដំណើរតក់ស្លុតហើយស្លន់ស្លោរយ៉ាងខ្លាំង នាំគ្នាទូរស័ព្ទផ្តល់ព័ត៌មានឲ្យប៉ូលិស ។ យ៉ាងនេះក្តីអ្នកបើកបរប្រឹងបញ្ជារថយន្តបាន ១០នាទីទៀត ដើម្បីចូលដល់កន្លែងសំចតត្រឹមត្រូវ ។ បន្ទាប់មកឡានពេទ្យបានរង់ចាំដឹកគាត់ទៅសង្គ្រោះ ។
កញ្ចក់មុខរថយន្តបែក១ដុំ ប្រហោងធំ ។
តាមមន្ទីរពេទ្យឲ្យដឹងថា អ្នកបើកបររថយន្តរងការបាក់ឆ្អឹងជំនីរអស់ ៤ ។ ពេលរឿងរ៉ាវត្រូវបានបង្ហោះលើបណ្តាញសង្គម លោកត្រូវបានគេស្ងើចសរសើរលើស្មារតីទ្រាំទ្រ និងការទទួលខុសត្រូវចំពោះអាយុជីវិតអ្នកដំណើរ ៕ ចន្ទ្រា
