“ប្រសិនបើអ្នកនិយមប្រេងដូង ត្រូវពិចារណាឡើងវិញ!” ។ នេះគឺជាសារមួយក្នុងចំណោមមេរៀនតាម Youtub របស់បណ្ឌិត Karin Michek នៃសកលវិទ្យាល័យ Harvard ដ៏ល្បីល្បាញ ។
តាមអត្ថបទបកប្រែរបស់ Business Insider សាស្ត្រាចារ្យ Harvard ឲ្យដឹងថា ៖ “ប្រេងដូងជាសារធាតុបំពុល “បរិសុទ្ធ” ” ។ វាគឺជាប្រភេទអាហារអាក្រក់បំផុតដែលអ្នកអាច… បរិភោគបាន ។
ប្រេងដូងមានផ្ទុះសារធាតុ “ខ្លាញ់ឆ្អែត” ៨២% ហើយបរិមាណជាតិខ្លាញ់ឆ្អែតអាក្រក់ដល់ទៅ ៦៣% ។
ការលើកឡើងនេះ អាចជាការព្រមានគួរឲ្យតក់ស្លុតចំពោះអ្នកនិយមប្រើប្រាស់ខ្ទិះដូង ក្នុងការធ្វើអាហារ នំ … ។ លើសពីនេះក៏នៅមាន “គ្រូឱសថបុរាណខ្លះនៅបានប្រើប្រាស់វាជាឱសថទៀត !” ។
គួររំលឹកថា នេះពុំមែនជាព័ត៌មានដំបូងពីគ្រោះថ្នាក់នៃប្រេងដូងទេ ព្រោះកាលពីខែមុថុនា ឆ្នាំ ២០១៧ សម្ព័ន្ធធសមាគមបេះដូងអាមេរិក បានធ្វើការទូន្មានថា ពុំគប្បីប្រើប្រាស់ប្រេងដូងច្រើនទេ ព្រោះវាបង្កគ្រោះថ្នាក់ដល់សុខភាពបេះដូង ។ ការទូន្មាននេះត្រូវបានធ្វើឡើង ក្រោយពេលរកឃើញប្រភេទ “ខ្លាញ់ឆ្អែត” -(Saturated fat) មានច្រើនក្នុងប្រេងដូង ។
ការសិក្សាដទៃទៀត ក៏បានចង្អុលបង្ហាញថា ពុំមែនអ្វីៗឲ្យតែចម្រាញ់ចេញពីរុក្ខជាតិសុទ្ធតែល្អនោះទេ ។ ប្រេងដូងមានផ្ទុកសារធាតុខ្លាញ់ឆ្អែត ៨២% ច្រើនជាងក្នុងប៊ឺរទៅទៀត ។ ក្នុងនោះវាមានសារធាតុខ្លាញ់ឆ្អែតអាក្រក់ ដែលបង្កគ្រោះថ្នាក់ដល់ទៅ ៦៣% ឯណោះ ៕ ចន្ទ្រា
