ហេតុការណ៍នេះកើតឡើង នៅប្រទេសវៀតណាម ។ ដោយឃើញកូនប្រសារស្លូតពេក ខណៈពេលកូនប្រុស សាច់បង្កើតរបស់ខ្លួន ដើរសប្បាយមានស្រីកំណាន់ ម្តាយក្មេក និងក្រុមគ្រួសារនេះ បាននាំគ្នាទៅប្រដៅ “ស្រីកំណាន់” របស់កូនបង្កើតខ្លួន ។
ស្រីកំណាន់ដែលជានិស្សិតស្រីម្នាក់ ត្រូវបានគេលួចថតជាប់នូវទិដ្ឋភាពទំនាក់ទំនងសហាយស្មន់នឹងប្តីគេ ។
ដំបូងឡើយពេល “តាមទាន់” ក្រុមគ្រួសារនេះពុំមានបង្ករឿងឲ្យធំដុំអ្វីទេ ដោយគ្រាន់តែចាប់នាងកំណាន់រូបនេះ សរសេរកិច្ចសន្យាឈប់ទាក់ទងនឹងបុរសដែលត្រូវជាកូនបង្កើតរបស់គាត់ ត្រូវបញ្ចប់ជាស្ថាពរនូវទំនាក់ទំនង បំបែកបំបាក់គ្រួសារគេ ។
នាងនោះបានសរសេរ ដោយស្ម័គ្រចិត្ត រួចផ្តិតមេដៃ ។
ខាំមាត់សង្កត់ចិត្តអាណិតកូនប្រសារស្រី ទ្រាំលែងបានក៏ស្ទុះទៅបោចសក់ ទះប៉ុន្មានកំផ្លៀងជាការ…សងសឹកជួសកូនប្រសារ ។
ប្រហែលជាអាណិតកូនប្រសារស្រីដែលស្លូតនោះពេក ទើបនារីជាម្តាយ ក្រោយពេលធ្វើកិច្ចសន្យារួចបានស្ទុះទៅបោចសក់ទះនារីនោះប៉ុន្មានដៃ ។ ចំណែកពូកបង្កើត ក៏ស្ទុះទៅទះ១កំផ្លៀងដែរ ព្រោះតែ… ខឹងពេក! ។
យ៉ាងណាក៏ សាច់ញាតិដទៃទៀត បានស្ទុះមកឃាត់ពុំឲ្យធ្វើបែបនេះទៀត ។
តើម្តាយក្មេកប្រច័ណ្ឌជំនួសកូនប្រសារស្រី ពិតជាមានច្រើនដែរទេ? ៕ លីសា
