បុរសអ្នកដំណើរម្នាក់ឈ្មោះBenni នៅរដ្ឋ Styer ប្រទេសអូទ្រីស មិនអាចធ្វើដំណើរបានតាមរថភ្លើងម៉េត្រូ ព្រោះតែលោករួម ដំណើរជាមួយសេះរបស់ខ្លួន។
តាម AFP នៅថ្ងៃទី២៤ខែសីហា ចុះផ្សាយព័ត៌មានឱ្យដឹងថា លោកBenni បានស្វែងរកវិធីពីរលើកដើម្បីនាំយកសេះញីរបស់ ខ្លួនជិះរថភ្លើង។នៅស្ថានីយដំបូង គាត់បានរិះរកគ្រប់វិធី ហើយនាំសេះរបស់ខ្លួនឡើងជិះរថភ្លើងបាន។ ប៉ុន្ដែនៅស្ថានីយទី២ ស្រាប់តែអ្នកបញ្ជារថភ្លើងប្រកាសថា ត្រូវនាំសេះញីនេះចុះពីរថភ្លើង ពុំនោះសោតគេនឹងបញ្ជាខ្សែរថទៅមុខទេ។
ខណៈពេលដែលលោកBenni សម្ដែងការងឿងឆ្ងល់ថាហេតុអ្វីជាសត្វជើង៤ដូចគ្នា ខណៈពេលដែលឆ្កែត្រូវបានអនុញ្ញាត«ក្នុងខណៈពេលដែលសេះសំណព្វចិត្តរបស់លោកដែលស្លូតបូត បែរជាត្រូវបណ្ដេញចេញ? លោកថានេះគឺជាទង្វើរើសអើង។
ចំណែកក្រុមហ៊ុនរថភ្លើងវិញនិយាយថា ការនាំយកសេះឡើងជិះលើរថភ្លើងវាគ្រោះថ្នាក់ណាស់ នៅពេលដែលខ្សែរថភ្លើងត្រូវបានហ្វ្រាំងឈប់បន្ទាន់នោះ។ ចំពោះសត្វចិញ្ចឹមតូចៗក៏ទាមទារត្រូវដាក់បញ្ចូលទ្រុង រីឯឆ្កែវិញត្រូវឃ្លុំមាត់ជិត ទើបអាចជិះរថភ្លើងបាន។
ទោះយ៉ាងណាបុរសអ្នកដំណើរដែលជាម្ចាស់សេះរូបនេះនៅតែនិយាយថា វាគឺជាទង្វើរើសអើង ហើយក្រុមហ៊ុនគប្បីមានការរៀបចំសេវាដែលពុំមានលក្ខណៈ…រើសអើង៕
លីសា
