នារីរូបនេះទើបត្រូវបានទទួលឱ្យធ្វើជាអ្នកហាត់ការនៅNASA។នេះគឺជាសុបិនប្រាថ្នារបស់មនុស្សដ៏ច្រើនដែលចង់យល់ដឹង អំពីអវកាស។
ដោយវ័យក្មេងនិងមានអំនួតផងនោះ នារីរូបនេះបានសរសេរលើបណ្ដាញសង្គមTwitterថា៖«អ្នកទាំងឡាយបិទមាត់ឱ្យអស់ទៅ ខ្ញុំទើបត្រូវទទួលជាអ្នកហាត់ការនៅNASA»។
ក្រោយមកក៏មានបុរសម្នាក់ដែលមាន Next name”Homer Hickham” បាន commentលើសំណេររបស់នារីរូបនោះថា៖ «ប្រើពាក្យពេចន៍»ឱ្យប្រយ័ត្នប្រយែងបន្ដិច។
ប៉ុន្ដែក្ដីភើបរបស់នារីវ័យក្មេងរូបនេះក្រោយពេលឃើញcomment ខាងលើ នាងបានឆ្លើយតបយ៉ាងព្រហើនថា៖ « សម្ងំទៅ ខ្ញុំកំពុងធ្វើការនៅNASAណា!»។
ស្រាប់តែនាងបានទទួលចម្លើយរបស់”Homer Hickham” វិញថា «ខ្ញុំគឺជាក្រុមប្រឹក្សាអវកាសជាតិឃ្លាំមើល NASAណា។
សំណេរឆ្លើយឆ្លងតាមរយៈTwitterខាងលើធ្វើឱ្យកក្រើកបណ្ដាញសង្គមTwitter ខណៈពេលអ្នកប្រើប្រាស់បណ្ដាញនេះបានបែងចែកជា២ក្រុម ម្ខាងគាំទ្រនាង ហើយម្ខាងទៀតវាយប្រហារនាងយ៉ាងចាស់ដៃ។
បុរសដែលមាន Next name Homer Hickham បន្ដសរសេរលើ blogspotរបស់ខ្លួនថា ៖ ខ្ញុំដឹងថានាងបានបាត់បង់ការងារហាត់ការនៅNASA ។ ខ្ញុំពុំមានឥទ្ធិពលណាមួយលើការសម្រេចិត្ដនោះទេ ព្រោះខ្ញុំពុំទទួលបន្ទុកការជ្រើសរើសបុគ្គលិកនិងបណ្ដេញបុគ្គលិកឡើយ។មូលហេតុដែលNASAដឹងរឿងនេះព្រោះតែមិត្តភក្ដិនាងបានឆែកអត្ថបទខាងលើឱ្យទៅNASA។
លោកបាននិយាយបន្ដថា៖ «នាងសក្ដិសមមានមុខងារមួយក្នុងវិស័យអវកាស ហើយពេលនេះលោកក៏កំពុងប្រឹងប្រែងអស់ ពីកម្លាំងកាយចិត្ដដើម្បីមានតួនាទីមួយសក្ដិសម។
ប៉ុន្ដែពុំដឹងដោយសារមូលហេតុអ្វីនោះទេ អត្ថបទទាំងអស់ត្រូវបានបង្ហោះ ហើយត្រូវបានលុបចោលពីបណ្ដាញសង្គម។
គេនៅពុំទាន់ដឹងវាសនារបស់កញ្ញាម្នាក់នោះទេប៉ុន្ដែនេះគឺជាមេរៀននៃរឿងគប្បីឬមិនគប្បីក្នុងការប្រើប្រាស់ពាក្យពេចន៍របស់ខ្លួនពេលចូលរួមក្នុងបណ្ដាញសង្គម៕
លីសា
