បុរសវ័យម្នាក់បានធ្វើឲ្យអ្នកដំណើរនៅលើរថភ្លើងក្រោមដីមួយខ្សែ នៅក្នុងទីក្រុងតូក្យូ (ជប៉ុន) ភ្ញាក់ផ្អើល និងហួសចិត្តយ៉ាងខ្លាំង ខណៈបុរសរូបនេះបង្ហាញឥរិយាបថមិនសមរម្យ ស្រាតខោបន្ទោរបង់នៅនឹងកន្លែងកៅអីអង្គុយរបស់គាត់ បង្កក្លិនស្អុយពេញក្នុងបន្ទប់ទូររថភ្លើងតែម្តង ។
អ្នកប្រើប្រាស់អ៊ីនធើរណែតម្នាក់ ដែលមានគណនី Twitter ដាក់ឈ្មោះថា @ DECADE10KENN បានបង្ហោះរូបភាពគួរឲ្យខ្ពើមរអើម១សន្លឹក អមជាមួយសារសរសេរថា គាត់បានឃើញហេតុការណ៍ដ៏ហួសចិត្តផ្ទាល់នឹងភ្នែក ខណៈធ្វើដំណើរនៅលើរថភ្លើងក្រោមដី Yagaku Tokyo នៅក្នុងទីក្រុងតូក្យូ កាលពីថ្ងៃទី៧ ខែសីហា ។
ក្នុងរូបភាពនេះ បានបង្ហាញបុរសវ័យក្មេងម្នាក់មានអាយុចន្លោះ ២០ ទៅ ៣០ ឆ្នាំ ពាក់អាវយឺតពណ៌ក្រហម បានស្រាតខោខូវប៊យរបស់គាត់ដល់ជង្គង់ ។ នៅពេលនោះ អ្នកដំណើរអង្គុយក្បែរបុរសនេះដែលមានការភ្ញាក់ផ្អើល រត់ចាកចេញទៅ «ជ្រក» ជាប់នឹងទូរដទៃ និងមួយចំនួនទៀត នៅតែរក្សាភាពស្ងប់ស្ងាត់ អ្នកថតរូបខាងលើ ពុំបានចាកចេញ និងរក្សាអង្គុយកន្លែងដើមរបស់គាត់ដដែល ។
ប៉ុន្តែ គាត់ពុំនឹកស្មានថា សកម្មភាពដ៏ចម្លែករបស់បុរសនោះ ក្រោយមក ស្រាប់តែបន្ទោរបង់ដល់លើកម្រាលរថភ្លើងបែបនេះសោះឡើយ ។ អ្នកដំណើរមួយចំនួនដែលអង្គុយនៅទល់មុខបុរសនេះ ត្រូវបានឃើញពុំបានចាកចេញពីកៅអីរបស់ពួកគេនោះទេ ប៉ុន្តែ ពួកគេបានយកដៃខ្ទប់ច្រមុះ ព្រោះតែក្លិនលាមករបស់បុរសនេះបានសាយភាយ ។
ទោះយ៉ាងណា ព័ត៌មានអំពីហេតុការណ៍នេះបន្ទាប់មក ពុំត្រូវបានគេបញ្ចេញឲ្យដឹងនោះទេ ៕ ឧត្តម (sanook)
【悲報】有楽町線で脱糞する奴現る。 pic.twitter.com/86QYqoTs8Z
— つちけんの正直しんどい (@DECADE10KENN) August 7, 2018