ពលរដ្ឋនៅភូមិមួយ នាប្រទេសអ៊ុយក្រែន ពិតជាតក់ស្លុតក្រៃលែង ក្រោយពេលចៀមរបស់គាត់បានត្រូវសត្វចម្លែកសម្លាប់ម្តង១ៗ ហើយបឺតយកឈាមអស់ពីខ្លួន ។
ចៀម ៨ក្បាល ត្រូវបឺតអស់ឈាម ។
តាម Daily Star សាកសពចៀម ដែលមានរន្ធតូចៗ នៅលើ-ក- ត្រូវបានកសិករអ៊ុយក្រែនប្រទះឃើញ នាភូមិ Matveevtsy ចំណុះតំបន់ Ternoril Oblast ។
ប្រជាពលរដ្ឋក្នុងភូមិតក់ស្លុត ដល់ថ្នាក់លែងហ៊ានចេញពីផ្ទះរហូតដល់ពេលដឹងពីមូលហេតុនាំឲ្យមានរឿងបែបនេះ ។
វេជ្ជបណ្ឌិតសត្វ Maria Ostapyuk ពោលថា ៖ “សាកសពចៀមដេក រណូករណែលពាសពេញកសិដ្ឋាន ហាក់ដូចជាត្រូវសម្លាប់ម្តង១ៗ ។
ពេទ្យសត្វរូបនេះបញ្ជាក់ច្បាស់ថា វាមានរន្ធតូច២ ។ ចៀមទាំងអស់ត្រូវបឺតខ្សោះអស់ឈាម ។
Andriychuk ពោល ៖ “ឈាមក្នុងរាងកាយចៀម ទាំងអស់ត្រូវបឺតចេញក្រៅ ដោយរន្ធតូចៗនៅ ក និង ជើង ។ ខ្ញុំពុំបានពិនិត្យឃើញឈាមមួយតំណក់ស្រក់នៅកន្លែងខ្មោចចៀមទាំងនោះទេ” ។
ចៀមទាំងនោះត្រូវបឺតយកឈាមពីរន្ធតូចនៅ ក និងជើង ។
គ្រាវះកាត់ធ្វើកោសល្យវិច្ច័យ ក៏កាន់តែខ្លាចថែមទៀត ព្រោះសូម្បីនៅបេះដូងក៏ពុំមានឈាម សូម្បី១តំណក់។ “អ្វីៗគឺទទេស្អាត ខ្ញុំពុំធ្លាប់ឃើញរឿងអ្វីចម្លែកបែបនេះទេ មុននេះ!” ។
មុននេះព្រានប្រមាញ់ Yaroslav Yurchuk ជឿថា នេះបណ្តាលមកពីឆ្កែចចក ឬឆ្កែ ទើបសម្លាប់ចៀមបែបនេះ ។
“ប៉ុន្តែនេះជាតំបន់ព្រៃធំ ហើយក៏គ្មានហ្វូងចចករស់នៅក្បែរនេះទេ ។ ប្រសិនជាចចក វានឹងអូសខ្មោចចៀមទៅកន្លែងសុវត្ថិភាព ដើម្បីហែកសាច់ស៊ី ពុំមែនបឺតឈាមទេ ។
រដ្ឋការមូលដ្ឋាន និងពលរដ្ឋអ៊ុយក្រែននៅតែពុំទាន់ដឹងថា សត្វអ្វីដែល “បឺតស្អាត” ឈាមរបស់ចៀមដល់ទៅ ៨ក្បាលនេះទេ ។
ស្ត្រីម្នាក់និយាយថា ៖ “រឿងនេះធ្វើឲ្យពួកយើងខ្លាច ។ ខ្ញុំលែងហ៊ានចេញពីផ្ទះហើយ!” ៕ ចន្ទ្រា