ស្ត្រីរស់នៅតៃវ៉ាន់ ធ្លាប់រំលងស្វាមី ៥នាក់ រួចមកហើយ ក្នុងវ័យ ៦០ឆ្នាំ គាត់ “លាប់ជំងឺ” កំពុងប្រកាសរកស្វាមីទី ៦ ដែលត្រូវឆ្លើយតបនឹងល័ក្ខខ័ណ្ឌ ៣ យ៉ាង ។ អ្នកស្រីមានកូន ៦នាក់ ប្រុស ២ ស្រី៤ តែពួកគេសុទ្ធតែធំៗអស់ហើយ ។
ល័ក្ខខ័ណ្ឌ ៣យ៉ាងគឺ ៖ គ្រួសារធម្មតា ក្រក៏ដោយតែត្រូវស្អាតស្អំ ពុំរវល់នឹងទ្រព្យសម្បត្តិរបស់គាត់ ហើយត្រូវមានសម្រស់ស្អាត សម្បុរស (បើបានម៉ត់ខៃគឺល្អ!) ។
ភ្លាមៗមជ្ឈដ្ឋានតៃវ៉ាន់ បានធ្វើការរិះគន់អ្នកស្រីយ៉ាងចាស់ដៃ ហើយថែមទាំងទូន្មានឲ្យសេដ្ឋីនីរូបនេះកុំ “រវើរវាយ” តទៅទៀត ។ ព្រោះថា នៅទឹកដីនេះ ប្រហែលគ្មានប្រុសណា អាចឆ្លើយតបនឹងល័ក្ខខ័ណ្ឌខាងលើបានឡើយ ព្រោះវាលំបាកសម្រាប់…ផ្លូវជាប្តីប្រពន្ធ “វែងឆ្ងាយ” ណាស់ ។
ជាសេដ្ឋីវ័យទើប “៦០ឆ្នាំ” នៅ “លីវ” ចាំស្អីទៀត ។
យ៉ាងណាក្តីក៏មានការលើកឡើងថា គាត់មានលុយ មានសុខភាព នៅលីវ កូនៗគេមានគូអស់ហើយ គាត់នៅមានតម្រេក តើវាខុសស្អី? ។
ងាកទៅអតីតកាលវិញ គាត់កើតក្នុងត្រកូលអ្នកក្រខ្សត់ អាយុ ១៩ឆ្នាំ បានរៀបការប្តីដំបូង ហើយលែងលះ ២ឆ្នាំក្រោយមក ព្រោះតែប្តីនោះប្រើតែហិង្សា ហើយថែមទាំងមានសហាយស្មន់ ។
ប្តីទី១ ក្នុងចំណោម ៥ របស់សេដ្ឋីនីរូបនេះ ។
ស្វាមីទី ២ ជាសេដ្ឋីតែសំណាងមិនល្អឆាប់ឆ្លាប់ ហើយបន្សល់ទុកឲ្យអ្នកស្រីនូវមរតកដ៏សន្ធឹកសន្ធាប់ ធ្វើឲ្យអ្នកស្រីក្លាយជា… សេដ្ឋីនី ។ ប្តីទី ៣ រស់នៅជាមួយគ្នាបាន ៤ឆ្នាំ ក៏ចែកផ្លូវគ្នា ។ ប្តី២នាក់ក្រោយៗមក មានម្នាក់បានត្រឹម ១៨ថ្ងៃ ក៏សុំលែងលះ ។ ប្តីចុងក្រោយក្មេងជាង ២៣ឆ្នាំ “ទ្រាំទ្រ”បានតែ ១ឆ្នាំ សុំបញ្ចប់… ។
ប្តីទី ៥ ទ្រាំទ្របាន… ១ឆ្នាំ ។
ពេលនេះគាត់នៅលីវ មានអំណាចគ្រប់គ្រាន់សម្រាប់ស្វែងរកគូស្វាមីថ្មី បែបនេះមានអ្វី…ខុស!? លីសា
